| e-texts navigator |
| Wylie |
313b1 ཡིན།། ད་ཡང་འདུས་པའི་སྙིང་པོ་ཉོན།། གཞི་ལ་སྣང་བ་མེད་པ་ཡང་།། རང་གི་རང་སེམས་འཁྲུལ་པའི་ཕྱིར།། འཇིག་རྟེན་ཆོས་ལ་བླང་དོར་བྱས།། དེ་ཕྱིར་མ་རིག་རྨོངས་པས་ནོར།། དེ་བས་སྣང་ཞིང་གྲག་པའི
313b2 ཆོས།། མེད་ལ་ཡོད་འཛིན་བག་ཆགས་བློས།། ཆོས་བརྒྱད་བཟང་ངན་གཙང་སྨེ་ལ།། སྤང་སྡུད་བླང་དོར་མེད་པར་ནི།། མ་ཞེན་དམ་པར་བལྟ་མེད་ན།། སྣང་བ་རང་སར་གྲོལ་བའི་ཕྱིར།། བླང་དོར་མེད་པར་ལ
313b3 བཟླའོ།། དེ་ཡང་འདུས་པའི་སྙིང་པོ་ཉོན།། ཡང་དག་ཆོས་སྐུ་གཅིག་གཅིག་ལ།། གང་ཡང་མེད་ཕྱིར་བླང་དོར་མེད།། དེ་ཕྱིར་ངེས་དོན་སྙིང་པོ་ལ།། བསྒོམ་དུ་ཡོད་མེད་འབྲལ་བ་མེད།། ངེས་དོན་སངས་རྒྱས
313b4 དགོངས་པ་ལ།། ཉི་ཤར་མུན་པ་མེད་པ་ལྟར།། ངེས་དོན་རྟོགས་པས་སྐྱོན་ཡོན་མེད།། དེ་ཕྱིར་བླང་དོར་མེད་པ་ཡིན།། དེ་ཡང་འདུས་པའི་སྙིང་པོ་ཉོན།། ཆོས་སྐུ་ཡེ་ཤེས་ངོས་ཟིན་ན།། གང་ཡང་རང་བྱུང་ལྷུན་གྲུབ
313b5 ཆོས།། དེ་ལས་གཞན་པའི་ཆོས་མེད་ཕྱིར།། བླང་དོར་མེད་པར་ལ་བཟླའོ།། རྫོགས་པ་ཆེན་པོ་ངེས་དོན་འདུས་པ་ལས། སྐྱོན་ཡོན་གཞི་ལ་མེད་པར་ལ་བཟླ་བའི་ལེའུ་སྟེ་རེ་གཉིས་པའོ།། །། དེ་ནས་འདུས་པའི
313b6 ཚོགས་རྣམས་ལ།། ཀུན་རིག་སྟོན་པས་བཀའ་སྩལ་པ།། ཆོས་སྐུ་གཞི་ངེས་རྟོགས་པ་ལ།། མ་རིག་མེད་པས་དུག་ལྔ་གྲོལ།། ཐམས་ཅད་རང་བྱུང་ཆོས་སྐུ་གསལ།། ལུང་ལྡན་རྐྱེན་གྱིས་མ་རིག་དག། དུག་ལྔ་བྱང་ཆུབ
iiif viewer powered by OpenSeadragon
