| e-texts navigator |
| Wylie |
313a1 པས།། གཉིས་སུ་མེད་པར་ལ་བཟླའོ།། རྫོགས་པ་ཆེན་པོ་ངེས་དོན་འདུས་པ་ལས། སངས་རྒྱས་སེམས་ཅན་གཞི་གཅིག་པར་ལ་བཟླ་བསྟན་པའི་ལེའུ་སྟེ་རེ་གཅིག་པའོ།། །། དེ་ནས་འདུས་པའི
313a2 འཁོར་རྣམས་ལ།། ཀུན་རིག་སྟོན་པས་བཀའ་སྩལ་པ།། སྐྱོན་ཡོན་གཞི་ལ་མེད་པའི་དོན།། འཁོར་བ་དག་གི་སྡུག་བསྔལ་ནི།། ཉོན་མོངས་བརྒྱད་ཁྲི་བཞི་སྟོང་དང་།། ནད་ནི་བཞི་བརྒྱ་རྩ་གཅིག་དང་།། ཡེ་འབྲོག
313a3 སུམ་བརྒྱ་དྲུག་བཅུ་ཡང་།། སྐྱེ་རྒ་ན་འཆི་བཞི་རུ་འདུས།། སངས་རྒྱས་རྣམས་ཀྱི་ཆེ་བ་ནི།། དཔེ་བྱད་བཟང་པོ་བརྒྱད་ཅུ་དང་།། མཚན་ནི་སུམ་ཅུ་རྩ་གཉིས་དང་།། སྟོབས་དང་མི་འཇིགས་ལ་སོགས་པ།། ཐིག་ལེ་ཆོས
313a4 སྐུ་རྟོགས་པར་འདུས།། ད་ཡང་རྡོ་རྗེ་སེམས་དཔའ་ཉོན།། བསོད་ནམས་ཚོགས་བསྐྱེད་འབྲས་བུ་ནི།། སངས་རྒྱས་ཆེ་བའི་ཡོན་ཏན་ཡིན།། མ་རིག་པ་ལ་སོགས་པ་ཡིས།། སེམས་ཅན་ལུས་དང་བག་ཆགས
313a5 ཡིན།། དགེ་སྡིག་གཉིས་ཀྱི་འབྲས་བུ་ནི།། དྲང་དོན་ཆོས་ལ་བདེན་འཛིན་ཀྱང་།། གཞི་ལ་སྐྱོན་ཡོན་གཉིས་མེད་ཕྱིར།། བླང་དོར་མེད་པར་ལ་བཟླའོ།། དེ་ཡང་འདུས་པའི་སྙིང་པོ་ཉོན།། དཔེར་ན་འཁྲུལ་པའི་སྣང་བ
313a6 ཡང་།། གཙང་དང་མི་གཙང་གཉིས་ཀའི་གཞི།། ལུད་པ་ལ་སོགས་གང་རུང་ལ།། བྱ་ཁྱི་གཉིས་ཀྱིས་ཟས་སུ་མཐོང་།། མི་རྣམས་ཀྱིས་ནི་མི་གཙང་མཐོང་།། དེ་ཕྱིར་སྣང་བ་མ་ངེས་ཕྱིར།། དོན་ལ་བླང་དོར་མེད་པ
iiif viewer powered by OpenSeadragon
