| e-texts navigator |
| Wylie |
312a1 འདས།། སོ་སོར་ཡོད་པ་མ་ཡིན་ཏེ།། དེ་བཞིན་ཉིད་དེ་རྟོགས་ངེས་ན།། དེ་ལ་འཁོར་བའི་རང་བཞིན་མེད།། དེ་ཡང་རྡོ་རྗེ་སེམས་དཔའ་ཉོན།། བྱང་ནི་ཉོན་མོངས་བག་ཆགས་བྱང་།། ཆུབ་ནི་ཆོས
312a2 སྐུ་ཐིག་ལེར་ཆུབ།། སེམས་ནི་སྐྱོན་བྲལ་འགྱུར་བ་མེད།། ཆེ་བ་རང་བྱུང་ཡེ་ཤེས་ཆེ།། དེ་ཕྱིར་བྱང་ཆུབ་སེམས་ཞེས་གསུངས།། དེ་ཡང་འདུས་པའི་སྙིང་པོ་ཉོན།། མ་བཅོས་པ་ཡི་མན་ངག་གིས།། ལྟ་བ་སྤངས་པའི
312a3 ནམ་མཁའ་ལ།། འཛིན་རྟོག་མེད་པའི་ཡེ་ཤེས་བརྡལ།། གང་ཡང་མ་སྤངས་ལྷུན་གྱིས་གྲུབ།། མི་གཡོ་མི་རྟོག་དེ་ལ་བལྟ།། དེ་མཐོང་མུན་པ་རྣམ་དག་སངས།། སངས་རྒྱས་ཀུན་གྱི་མཆོག་ཏུ་བཤད།། རྫོགས་པ་ཆེན
312a4 པོ་ངེས་དོན་འདུས་པ་ལས། བྱང་ཆུབ་སེམས་ཀྱི་ཆེ་བ་བསྟན་པའི་ལེའུ་སྟེ་དྲུག་བཅུ་པའོ།། །། དེ་ནས་རྡོ་རྗེ་སེམས་དཔའ་ཡིས།། འདུས་པའི་འཁོར་ལ་ཕན་དོན་དུ།། ཀུན་རིག་སྟོན་པ་ཆོས་རྗེ་ལ།། བདེན་པའི
312a5 ཡིད་ཀྱིས་འདི་སྐད་གསོལ།། གཉིས་མེད་གསུམ་གྱིས་ལ་བཟླ་བའི།། སངས་རྒྱས་སེམས་ཅན་ཇི་ལྟར་གཅིག། སྐྱོན་ཡོན་གཞི་ལ་ཇི་ལྟར་མེད།། འཁྲུལ་པ་མ་རིག་གང་ལྟར་དག། ཀུན་རིག་རྒྱལ་པོས་བཤད་དུ
312a6 གསོལ།། དེ་སྐད་ཞུས་པའི་དོན་གསན་ནས།། འདུས་པའི་འཁོར་ལ་བཀའ་སྩལ་པ།། ལ་བཟླ་བ་ཡི་གཏན་ཚིགས་ནི།། དུས་གསུམ་སངས་རྒྱས་ཐམས་ཅད་ནི།། ཡང་དག་རྟོགས་པའི་ངོ་བོར་གཅིག། དེས་ན་རྟོགས
iiif viewer powered by OpenSeadragon
