| e-texts navigator |
| Wylie |
311b1 པས་ཆོག། དེ་ཡང་འདུས་པའི་སྙིང་པོ་ཉོན།། རང་གསལ་སྣང་ལ་ཞེན་མེད་པས།། རྒྱུན་དུ་ཡོད་པའི་ཆོས་ཉིད་ལ།། མ་ཡེངས་དོན་ལ་གང་གནས་པ།། དེ་ནི་རྣལ་འབྱོར་དམ་པའི་ལམ།། རྫོགས་པ་ཆེན་པོ་ངེས་དོན
311b2 འདུས་པ་ལས། སྤྲུལ་པའི་སྐུ་འཁོར་གྱི་ཆེ་བས་མཚན་མའི་རྣམ་རྟོག་དག་པར་བསྟན་པའི་ལེའུ་སྟེ་ང་དགུ་པའོ།། །། དེ་ནས་ཀུན་རིག་རྒྱལ་པོ་ཡིས།། བྱང་ཆུབ་སེམས་ཀྱི་ཆེ་བའི་དོན།། འདུས་པའི་འཁོར་ལ
311b3 བཀའ་སྩལ་པ།། མ་རྟོགས་བསྒོམ་སྐྱོན་རྣམ་དག་པའི།། སྙིང་པོ་དོན་གྱི་འབྲས་བུའི་ཆོས།། གང་ཞིག་སྣོད་དང་ལྡན་པ་ཡིས།། ཤེས་ནས་དེ་ལ་གང་གནས་པ།། རང་རིག་ཉིད་ལ་དབང་ཐོབ་ཕྱིར།། སྐྱེ་བ་གཞན་དུ་མི
311b4 ལེན་པར།། སངས་རྒྱས་རིགས་ཅན་འཛིན་པ་ཐོབ།། དེ་ཡང་རྡོ་རྗེ་སེམས་དཔའ་ཉོན།། རང་བྱུང་ཆོས་སྐུ་དེ་ཉིད་ནི།། ཇི་བཞིན་མ་བཅོས་མ་བསླད་པ།། དེ་བཞིན་ཉིད་དུ་བློང་བཞག་ནས།། ཡེ་ཤེས་དེ་ཉིད་མ་ཡིན།
311b5 པ།། བསྒྲུབ་དང་གྲུབ་པ་ག་ལ་ཡོད།། དེ་ཡང་འདུས་པའི་སྙིང་པོ་ཉོན།། དེ་ཕྱིར་ཡེ་ཤེས་མངོན་གྱུར་ན།། མེད་ལ་མི་ཟད་རིན་ཆེན་གཏེར།། ཁམས་གསུམ་རིན་ཆེན་རྙེད་པའི་མི།། ཇི་ལྟར་འདོད་པ་བཞིན་དུ
311b6 འགྱུར།། དེ་བཞིན་ཡེ་ཤེས་ཆོས་སྐུ་འདི།། རྟོགས་པས་ཆོག་ཕྱིར་རང་བྱུང་སྐུ།། ཆེ་བའི་ཡོན་ཏན་རྒྱུན་མི་འཆད།། ཅིར་ཡང་ཀུན་འབྱུང་ཆོས་ཀྱི་གཏེར།། དེ་བཞིན་ཉིད་དུ་ཀུན་རིག་ན།། འཁོར་བ་དང་ནི་མྱ་ངན
iiif viewer powered by OpenSeadragon
