| e-texts navigator |
| Wylie |
311a1 དགག་བསྒྲུབ་མེད་པའི་ཕྱིར།། རྣལ་འབྱོར་སྤྱོད་ལམ་ཐམས་ཅད་དུ།། མ་དྲན་གཉིད་དང་དུབ་ལ་སོགས།། གར་དགར་སོང་ཚེ་དེ་ཉིད་ལ།། ངོ་བོ་ཉིད་དྲན་གནོད་མི་ནུས།། དེ་ཡང་རྡོ་རྗེ་སེམས་དཔའ
311a2 ཉོན།། གདམ་ངག་རྐྱེན་དང་ཕྲད་ཙམ་ན།། དབང་པོ་རབ་ཀྱིས་བཙལ་དུ་མེད།། ཐ་མས་མི་རྟོགས་གདམས་ངག་མིན།། སྒྱུ་མའི་ལུས་ལ་སྤྱོད་པས་འཁྲུལ།། དང་པོ་ཀུན་བཟང་ཐུགས་རྗེས་ཀྱང་།། དོན་ཉིད་ཚིག་ཏུ
311a3 ཕྱུང་བའི་ཕྱིར།། ཚིག་གི་དོན་ནི་མཚོན་པར་ནུས།། ཚིག་ཉིད་དོན་མིན་ཟེར་བ་འཁྲུལ།། དེ་ཡང་འདུས་པའི་སྙིང་པོ་ཉོན།། གང་ཟག་བཀྲི་དོན་བདེན་གཉིས་བྲལ།། ཡང་དག་སྙིང་པོའི་ཆོས་ཉིད་ལ།། བསྒོམ་དུ་ཡོད
311a4 དང་མེད་པ་ཡི།། ཚིག་ཏུ་འཛིན་མེད་ཡེ་ནས་བདེན།། སྣང་བའི་ཡུལ་ལ་རྟོག་མེད་ཕྱིར།། སེམས་ལ་གཏད་ཅིང་གཟུང་དུ་མེད།། ཇི་སྲིད་བར་དུ་གཏད་ཡོད་ན།། དེ་སྲིད་བར་དུ་འཁྲུལ་པ་ཡིན།། དེ་ཕྱིར་གཏད་དང
311a5 གཟུང་དུ་མེད།། དེ་ལ་སྐྱོན་གྱིས་གོས་པ་མེད།། དེ་ཡང་འདུས་པའི་སྙིང་པོ་ཉོན།། རང་རིག་ཆོས་སྐུའི་དགོངས་པ་འདི།། སེམས་ལས་འདས་པའི་སངས་རྒྱས་ལ།། གང་ཡང་མ་སྤངས་རིག་པར་གསལ།། དེ་དོན
311a6 སངས་རྒྱས་དགོངས་པ་ཡིན།། སེམས་མེད་ཆོས་སྐུ་རྟོགས་པའི་ཕྱིར།། ཡུལ་ཉིད་སེམས་སུ་མི་བསྒོམ་པས།། བསྒོམ་པ་པོ་ཡང་མེད་པར་འགྱུར།། གང་གིས་གང་ལ་བསམ་ཞིང་བསྒོམས།། དེ་ཕྱིར་རང་སེམས་རྟོགས
iiif viewer powered by OpenSeadragon
