| e-texts navigator |
| Wylie |
310b1 སྤངས་པའི་ཕ་རོལ་ན།། བསྒོམ་པ་བྱ་བ་ལོགས་ན་མེད།། སྡུག་བསྔལ་སྤངས་པའི་ཕ་རོལ་ན།། བདེ་བ་བྱ་བ་ལོགས་ན་མེད།། གཏི་མུག་སྤངས་པའི་ཕ་རོལ་ན།། རང་རིག་ཡེ་ཤེས་ལོགས་ན་མེད།། འདོད་ཆགས
310b2 སྤངས་པའི་ཕ་རོལ་ན།། བདེ་ཞིང་སྐྱིད་པ་ལོགས་ན་མེད།། ཞེ་སྡང་སྤངས་པའི་ཕ་རོལ་ན།། སྙིང་རྗེ་བྱ་བ་ལོགས་ན་མེད།། འཁོར་བ་སྤངས་པའི་ཕ་རོལ་ན།། མྱ་ངན་འདས་པ་ལོགས་ན་མེད།། ད་ཡང་འདུས་པའི
310b3 སྙིང་པོ་ཉོན།། རང་རིག་སྤངས་པའི་ཕ་རོལ་ན།། སངས་རྒྱས་ཞེས་པའི་མིང་ཡང་མེད།། ཆོས་ཅན་སྤངས་པའི་ཕ་རོལ་ན།། ཆོས་དབྱིངས་རྣམ་དག་ལོགས་ན་མེད།། ཆོས་ཉིད་ཡེ་ནས་བསྒོམ་པ་མེད།། སེམས་ལ
310b4 དམིགས་པ་མེད་པའི་ཕྱིར།། རང་གསལ་དམ་པའི་སྙིང་པོ་འདི།། སངས་རྒྱས་ཀུན་གྱི་ངེས་པའི་དོན།། ཡང་དག་རང་བྱུང་ཆོས་སྐུ་ནི།། མི་དམིགས་པར་ཡང་བསྒོམ་དུ་མེད།། བྱ་བྲལ་ནམ་མཁའ་ཇི་བཞིན
310b5 ནོ།། རྫོགས་པ་ཆེན་པོ་ངེས་དོན་འདུས་པ་ལས། ལོངས་སྐུའི་འཁོར་གྱི་སྣང་བ་གྲོལ་བར་བསྟན་པའི་ལེའུ་སྟེ་ང་བརྒྱད་པའོ།། །། དེ་ནས་འདུས་པའི་འཁོར་རྣམས་ལ།། ཀུན་རིག་རྒྱལ་པོས་བཀའ་སྩལ་པ།། སྤྲུལ
310b6 སྐུའི་འཁོར་གྱི་ཆེ་བ་ནི།། རྟོག་མེད་ཡང་དག་ངས་བཤད་ཀྱི།། ལེགས་པར་ཉོན་ལ་ཡིད་ལ་ཟུང་།། རང་བྱུང་སྙིང་པོ་ངེས་དོན་འདི།། ལུང་ལྡན་རྟོགས་པའི་ཡེ་ཤེས་ཀྱིས།། གལ་ཏེ་མཚན་མ་རྒྱུན་ཡང་།། དྲན་རྟོག
iiif viewer powered by OpenSeadragon
