| e-texts navigator |
| Wylie |
310a1 འཕྲོས།། བྱིང་ན་ཡེ་ཤེས་ཀློང་དུ་བྱིང་།། གསལ་ན་རང་བྱུང་ཆོས་སྐུར་གསལ།། འཕྱོན་ཆོས་ཉིད་ཀློང་དུ་འཕྱོ།། དེ་རྟོགས་ཡོན་ཏན་སྐྱོན་རྣམས་ཀུན།། ཆོས་སྐུར་འདུས་པའི་དོན་རྟོགས་ན།། རྣམ
310a2 རྟོགས་ཉིད་ཀྱང་ཡེ་ཤེས་ཡིན།། ད་ཡང་རྡོ་རྗེ་སེམས་དཔའ་ཉོན།། རང་བྱུང་ཡེ་ཤེས་ཆོས་སྐུ་ལ།། མ་བསྒོམས་ཡེ་ཤེས་ཆེན་པོའི་དོན།། བརྗོད་པ་མེད་པའི་ཤེས་རབ་ལ།། དམིགས་པ་མེད་པའི་ཏིང་འཛིན
310a3 གསལ།། ཤེས་པ་དྲང་ཟད་སོ་མ་ལ།། འདུ་ཤེས་མི་བསྒྱུར་བརྟུལ་ཞུགས་བསྐྱེད།། ཅི་ཡང་མི་བསྒོམ་གང་ཡང་མིན།། ཡེ་ཤེས་ཟང་ཐལ་ཉིད་དུ་བཞག། རྫོགས་པ་ཆེན་པོ་ངེས་དོན་འདུས་པ་ལས།།
310a4 ཆོས་སྐུའི་འཁོར་གྱི་ཆེ་བས་སྣང་བ་དག་པར་བསྟན་པའི་ལེའུ་སྟེ་ང་བདུན་པའོ།། །། དེ་ནས་འདུས་པའི་འཁོར་རྣམས་ལ།། ཀུན་རིག་སྟོན་པས་བཀའ་སྩལ་པ།། ལོངས་སྐུའི་འཁོར་གྱི་སྣང་བ་ནི། ཀུན་བཟང་རོལ
310a5 པར་དག་པའི་ཕྱིར།། སྡུག་བསྔལ་སྣ་ཚོགས་སྐྱེས་པའི་ཚེ།། ཡེ་ཤེས་བདེ་བ་ཆེན་པོའི་ངང་།། ཕྱི་ནང་སྒྲ་སྐད་སྣ་ཚོགས་པ།། གསང་སྔགས་གསུང་གི་འཁོར་ལོ་ཡིན།། རྐྱེན་གྱིས་ཆགས་སྡང་སྐྱེས་པའི་ཚེ།། རང་བྱུང་ཡེ
310a6 ཤེས་ཤར་བ་ཡིན།། ཤྭ་དང་སེར་བ་ལ་སོགས་པ།། ཀུན་བཟང་ཐུགས་རྗེའི་རོལ་པ་ཡིན།། ངམ་གྲོག་ཚེར་དོང་གཡང་ས་ཡང་།། རྣམ་པར་དག་པའི་ཞིང་ཁམས་ཡིན།། ད་ཡང་འདུས་པའི་སྙིང་པོ་ཉོན།། མཚན་མ
iiif viewer powered by OpenSeadragon
