| e-texts navigator |
| Wylie |
30b1 འཆང་བ།། ལོངས་སྤྱོད་རྫོགས་སྐུ་སྐུ་ཡི་རྒྱལ།། བཞི་བཅུ་རྩ་གཉིས་འོད་གསལ་བའི།། སྤྱི་ཡི་མཚན་ཉིད་ཇི་ལྟར་ལགས།། རང་རང་དོན་ལ་ཇི་ལྟར་སྦྱར།། ཞེས་ཞུས་སོ།། སྟོན་པའི་བཀའ་རྩལ་པ། སྤྱི་ཡི་མཚན་ཉིད
30b2 བསྟན་པ་ནི།། མཚན་ཉིད་འཛིན་པའི་ཡེ་ཤེས་ལྔ།། བྱས་པ་མེད་པར་རང་བྱུང་བས།། ལོངས་སྤྱོད་ཆེན་པོ་འོད་ཀྱི་སྐུ།། གྲུབ་ཚུལ་མཚོན་ཚུལ་བསྡུས་པ་ཡིན།། སངས་རྒྱས་སྐུ་ལྔའི་བདག་ཉིད་ཅན།། མཚན་གྱི་རྣམ
30b3 གྲངས་གཙོ་བོར་བསྡུས།། རྣམ་སྣང་ལ་སོགས་རིགས་ལྔའི་སྒྲ།། མེ་ལོང་ནང་གིས་གཟུགས་བརྙན་བཞིན།། སྣང་ལ་རང་བཞིན་མེད་པའི་སྐུ།། ཐུན་མོང་མཚན་དང་ལྡན་པའི་སྐུ།། སྐུ་རེ་ལ་ཡང་ཡོངས
30b4 རྫོགས་པའི།། ཐུན་མོང་སྤྱི་ཡི་མཚན་དཔེ་བསྟན།། ལོངས་སྤྱོད་རྫོགས་པ་སྐུ་ཡི་རྒྱལ།། སྐུ་ཡི་རྔམས་དང་གཟི་བརྗིད་ཀྱིས།། སྦྲུལ་སྐུའི་མཚན་མ་ཟིལ་གྱིས་གནོན།། ཆེ་བའི་ཡོན་ཏན་མདོར་བསྡུས་ཡིན།། བཞི་བཅུ
30b5 རྩ་གཉིས་འོད་གསལ་བ།། རང་རང་ལྷ་ཡི་དོན་བཤད་ན།། སྐུ་གཅིག་སྐུ་ལྔར་གསལ་བ་རྣམ་པར་སྣང་མཛད་ཡིན།། དེ་ལ་འགྱུར་བ་མེད་པ་མི་བསྐྱོད་པ།། ཡོན་ཏན་ཕྱོགས་མེད་འབྱུང་བས་རིན་ཆེན་འབྱུང་ལྡན
30b6 ཡིན།། དྲི་མས་མ་གོས་ཐུགས་རྗེའི་རྩལ་སྣང་ནི།། འོད་དཔག་མེད་དེ་པདྨའི་སྐུ།། གང་ལ་ཐོགས་མེད་བདག་གཞན་དོན་འགྲུབ་པས།། ཕྲིན་ལས་མཐར་ཕྱིན་དོན་ཡོད་གྲུབ་པའི་སྐུ།། ཡོན་ཏན་ཆེན་པོ་ཀུན་ཏུ་རྒྱས་པ
iiif viewer powered by OpenSeadragon
