| e-texts navigator |
| Wylie |
30a1 པ་ཐམས་ཅད་མཁྱེན།། མ་འགགས་རང་བྱུང་ཡེ་ཤེས་གསུང་ནི་འགྱུར་མེད་ཡི་གེ་དྲུག། ཐུགས་རྗེ་སྦྲུལ་སྐུར་བྱ་བའི་གཞི་མ་འགགས།། ཞེས་གསུངས་སོ།། སྤྲོས་བྲལ་དོན་གསལ་གྱི་རྒྱུད་ཆེན་པོ
30a2 ལས།། ལོངས་སྐུའི་འཁོར་བསྟན་པའི་ལེའུ་སྟེ་ཉེར་དགུ་པའོ།། ། དེ་ནས་ཡང་སྟོན་པས་གསུངས་པ། དེ་ཡིས་མཚོན་པའི་ཚིག་རྣམས་བཤད་ཀྱིས་ལེགས་པར་ཟུང་ཞིག། རྒྱུད་དང་ལུང་དུ་ངས་བཤད་པའི།། ལོངས་སྐུ
30a3 ཞེས་སུ་འབྱུང་ན་དེ་སྐད་བཤད།། དཀྱིལ་འཁོར་ཞེས་སུ་འབྱུང་བ་དང་།། གཙོ་འཁོར་ཞེས་སུ་འབྱུང་བ་དང་།། ལྔ་ལྡན་རྫོགས་ལྡན་ཞེས་སུ་འབྱུང་བ་དང་།། དེ་བཞིན་གཤེགས་པ་ཞེས་པ་དང་།། རིགས་ལྔའི་སངས
30a4 རྒྱས་ཞེས་པ་དང་།། སེམས་པ་སེམས་མ་ཞེས་པ་དང་།། འོད་གསལ་རང་སྣང་ཞེས་པ་དང་།། མཚན་རྫོགས་རྡོ་རྗེ་འཆང་གིས་ཞེས་པ་རྣམས།། ཚིག་དོན་མང་ཡང་མདོར་བསྡུས་བསྟན་པ་ཡིན།། སྐུ་ལ་མཚན་དཔེས
30a5 རབ་བརྒྱན་པས།། མཚན་རྫོགས་རྡོ་རྗེ་འཆང་ཞེས་སོ།། འབོད་སྐད་ཐབས་གསུམ་དོན་གྱིས་ཁོག་སྡེབས་ལ།། ལོངས་སྐུའི་སྣང་བ་དེ་བཞིན་བཤད།། ཅེས་གསུངས་སོ།། སྤྲོས་བྲལ་དོན་གསལ་གྱི་རྒྱུད་ཆེན་པོ་ལས།།
30a6 ལོངས་སྐུ་མཚོན་པའི་ཚིག་བསྟན་པའི་ལེའུ་སྟེ་སུམ་བཅུ་པའོ།། །། དེ་ནས་ཡང་གསང་བའི་བདག་པོས་ཞུས་པ། ཡེ་ཤེས་སྐུ་སྟེ་རང་བྱུང་བ།། སངས་རྒྱས་སྐུ་ལྔའི་བདག་ཉིད་ཅན།། སུམ་ཅུ་རྩ་གཉིས་མཚན
iiif viewer powered by OpenSeadragon
