| e-texts navigator |
| Wylie |
309b1 འདུས་པ་ལས།། རིག་པ་དབང་གི་ཆེ་བ་བསྟན་པའི་ལེའུ་སྟེ་ང་དྲུག་པའོ།། །། དེ་ནས་འདུས་པའི་ཚོགས་རྣམས་ལ།། ཀུན་རིག་རྒྱལ་པོས་བཀའ་སྩལ་པ།། ཆོས་སྐུའི་འཁོར་གྱི་ཆེ་བ་ནི།། བསྒོམ་པའི་སྐྱོན་ནི་རྣམ
309b2 དག་པས།། རང་རིག་ཡེ་ཤེས་ངོས་ཟིན་ཕྱིར།། ཆོས་སྐུ་རྟོག་པ་མེད་པའི་ངང་།། འབྱུང་བའི་འདོད་ཡོན་ལྔ་སྤྱོད་ཚེ།། ལོངས་སྤྱོད་རྫོགས་པའི་སྐུ་ཡི་དང་།། འགྲོ་དྲུག་གཟུགས་སུ་སྣང་བའི་ཚེ།། སྦྲུལ་སྐུ་ཐུབ་པ་ཆེན
309b3 པོའི་ངང་།། ད་ཡང་རྡོ་རྗེ་སེམས་དཔའ་ཉོན།། དཔེར་ན་ཟངས་ལྕགས་རྣམ་པ་ལ།། གསེར་འགྱུར་རྩི་ཡིས་བཏབ་འགྱུར་ན།། ཐམས་ཅད་གསེར་དུ་འགྱུར་བ་ལས།། ཟངས་དང་ལྕགས་སུ་མི་འགྱུར་བཞིན།། མ་རིག
309b4 རྟོག་པའི་མཚན་མ་ལ།། ཡེ་ཤེས་ཆོས་སྐུའི་རྩིས་ཐེབས་ན།། ཁམས་གསུམ་འཁོར་བ་མིང་མེད་ཅིང་།། གདོད་ནས་མ་སྤངས་ཡེ་སངས་རྒྱས།། རྩ་བ་མེད་པར་ཡེ་ནས་གྲུབ།། དེ་ཡང་འདུས་པའི་སྙིང་པོ་ཉོན།། མི་ནུབ
309b5 པ་ལ་དོན་གསལ་ཕྱིར།། དེ་ཉིད་ལྷུན་གྲུབ་དོན་རྟོགས་ནས།། རྟག་ན་ཡེ་ཤེས་ཆེན་པོ་རྟག། ཆད་ན་འཁོར་བ་རྩད་ནས་ཆད།། ལྡན་ན་སྐུ་གསུང་ཐུགས་སུ་ལྡན།། སྣང་ན་རང་རིག་ཡེ་ཤེས་སྣང་།། ཡིན་ན་ཡེ་ནས
309b6 སངས་རྒྱས་ཡིན།། མིན་ན་ཁམས་གསུམ་འཁོར་བ་མིན།། དག་ན་རྣམ་རྟོག་མཚན་མ་དག། དེ་ཡང་འདུས་པའི་སྙིང་པོ་ཉོན།། གོལ་ན་ཆོས་ཀྱི་སྐུ་རུ་གོལ། རྙིང་རྒྱུད་ཀ་དུམ་པོ་དྲུག་པ།། འཕྲོས་ན་ཆོས་ཀྱི་དབྱིངས་སུ
iiif viewer powered by OpenSeadragon
