| e-texts navigator |
| Wylie |
309a1 ཟིན་པས།། གཟུགས་ཁམས་བཅུ་བདུན་དེར་མི་གོལ།། ཁྱུང་དང་རིན་ཆེན་ཀླུ་གདུག་བཞིན།། ལུང་ལྡན་ངེས་པའི་གདམས་ངག་གིས།། ཆོས་སྐུ་རང་རིག་ངོས་ཟིན་ཕྱིར། ཀུན་གཞི་དུས་གསུམ་རྩད
309a2 ནས་བཅད།། དེ་ཕྱིར་རང་བྱུང་དོན་འདི་ཆེ།། དེ་ཡང་རྡོ་རྗེ་སེམས་དཔའ་ཉོན།། ཡེ་ཤེས་སྤྱི་བླུགས་ཆེ་བ་ཡིས།། གོལ་ས་ཕྱི་ནང་ཆོད་པའི་ཕྱིར།། ངེས་པའི་དོན་ལ་བསྒོམ་མི་དགོས།། གཟུགས་མེད་ཁམས་བཞིར་དེ
309a3 མི་སྐྱེ།། དེ་ཡང་འདུས་པའི་སྙིང་པོ་ཉོན།། རྒྱུན་དུ་འབྲལ་མེད་དམ་ཚིག་གིས།། ཡེ་ཤེས་ཆེན་པོར་ལ་ཟློས་པས།། ས་བཅུ་རིམ་གྱིས་དེས་མི་བགྲོད།། དེ་ཕྱིར་ངས་ལུང་རབ་ཏུ་གཅེས།། དེ་ཡང་འདུས་པའི་སྙིང་པོ
309a4 ཉོན།། ངེས་པའི་དབང་གསུམ་གཅིག་ཏུ་རྟོགས།། དེ་ཕྱིར་མ་བཅོས་ཆོས་ཉིད་ཀྱིས།། བཅོས་པའི་མཚན་མ་ཟིལ་གྱིས་གནོན།། དམིགས་པ་མེད་པའི་ནམ་མཁའ་ཡིས།། དམིགས་པའི་འབྱུང་བ་ཟིལ་གྱིས་མནན།། སྐྱེ
309a5 བ་མེད་པའི་ཡེ་ཤེས་ཀྱིས།། སྐྱེ་བའི་ཕུང་པོ་ཟིལ་གྱིས་མནན།། དེ་ཡང་འདུས་པའི་སྙིང་པོ་ཉོན།། རིག་པའི་ཆོས་ཀྱི་སྐུ་ཉིད་ནི།། དུས་གསུམ་སངས་རྒྱས་ཐམས་ཅད་ཀྱི།། འབྱུང་གནས་ཐམས་ཅད་ང་ཡི་ཐུགས།། འདི
309a6 ལས་མ་གཏོགས་སངས་རྒྱས་མེད།། རང་རིག་ངེས་དོན་དབང་ཆེན་ནི། སངས་རྒྱས་ཀུན་གྱི་མེས་པོ་ཡིན།། འདི་ལས་མ་བྱུང་སངས་རྒྱས་མེད།། དེ་ཕྱིར་དབང་གསུམ་རབ་ཏུ་སྔགས།། རྫོགས་པ་ཆེན་པོ་ངེས་དོན
iiif viewer powered by OpenSeadragon
