| e-texts navigator |
| Wylie |
308b1 གསོལ།། ཆེ་བ་རྣམ་ལྔ་དབྱེ་བ་ཡི།། དབང་གི་ཆེ་བ་ཇི་ལྟར་ལགས།། ཆོས་སྐུའི་འཁོར་ནི་ཇི་ལྟར་དག། ལོངས་སྐུའི་འཁོར་གྱི་རོལ་པ་གང་།། སྦྲུལ་སྐུའི་འཁོར་གྱིས་རྟོགས་ཐབས་ཅི།། བྱང་ཆུབ་ཆེ་བ་ཇི་ལྟར
308b2 འབྱུང་།། ཀུན་རིག་སྟོན་པས་བཤད་དུ་གསོལ།། དེ་སྐད་ཞུས་པའི་དོན་གསན་ནས།། འདུས་པའི་འཁོར་ལ་བཀའ་སྩལ་པ།། སངས་རྒྱས་རྣམས་ཀྱི་བལྟ་བ་ནི།། ནམ་མཁའ་ཉི་མ་རྒྱ་མཚོ་བཞིན།། མ་སྤྲོས་མ་བསྡུས
308b3 རང་སྣང་ལ།། ཆོས་སྐུ་གསལ་ལ་མ་གཡོས་པའི། ཀུན་ལ་ཁྱབ་པའི་རིག་པ་གསལ།། དེ་ཡང་འདུས་པའི་སྙིང་པོ་ཉོན།། རང་རིག་ཆོས་སྐུ་གསལ་བའི་དོན།། ཉེ་བར་རིག་པ་རང་དབང་ཐོབ།། དེ་ལ་རྩོལ་བསྒྲུབ་བྱ་མི
308b4 དགོས།། དེ་ཕྱིར་སངས་རྒྱས་ཆོས་ཀྱི་སྐུ།། འབབ་ཆུ་མར་མེ་དུག་སྔགས་བཞིན།། དམིགས་པ་དྲག་ད་ལ་སྒོ་ལྔ་གསལ།། རྣམ་རྟོག་ཉིད་ཀྱང་ཡེ་ཤེས་གསལ།། གསལ་བ་ཉིད་ཙམ་ནུབ་པ་མེད།། དེ་ཡང་འདུས་པའི
308b5 སྙིང་པོ་ཉོན།། རྒྱལ་ཐབས་སྤྱི་བླུགས་ཆེ་བ་ཡིས།། མཚན་མ་ཟིལ་གྱིས་གནོན་པའི་ཕྱིར།། རིག་པའི་དབང་ཆེན་དང་པོ་ཡིས།། འདོད་ཁམས་ཉི་ཤུ་ཟིལ་གྱིས་གནོན།། ས་གཞི་ཆུ་ཟླ་གང་གཱ་བཞིན།། སྣ་ཚོགས་སྣང་བ
308b6 གཟུང་དུ་མེད།། ཆེ་བའི་ཡེ་ཤེས་རྒྱུན་མི་ཆད།། མེད་ལ་མི་ཟད་འབྱུང་བའི་གཏེར།། ད་ཡང་འདུས་པའི་སྙིང་པོ་ཉོན།། རིག་པ་རང་གསལ་ཆེ་བ་ཡིས།། འགྲོ་དྲུག་གཡང་ས་བཅད་པའི་ཕྱིར།། རང་བྱུང་ཆོས་སྐུ་ངོས
iiif viewer powered by OpenSeadragon
