| e-texts navigator |
| Wylie |
308a1 བྱ།། བག་ཆགས་གང་ཡང་མ་གོས་ཕྱིར།། རྟོགས་པས་མྱོང་ཕྱིར་ཡེ་ཤེས་རྒྱས།། ལུང་ལ་མ་བརྟེན་དམ་ཆོས་ཡིན།། དེ་ཕྱིར་དུས་གསུམ་སངས་རྒྱས་ཀུན།། བསྐྱེད་པར་བྱེད་པའི་མེས་པོ་ཡིན།། དེ་ཡང
308a2 འདུས་པའི་སྙིང་པོ་ཉོན།། ཀུན་བཟང་སྤྲུལ་པ་རྣམ་གསུམ་གྱིས།། སྐུ་གསུང་ཐུགས་ཀྱི་སྒོ་ནས་ནི།། ཐེག་པའི་ཆོས་རྣམས་བཤད་པ་ཡང་།། ལུང་ལ་མ་བརྟེན་ཆོས་འདི་ནི།། བྱིན་གྱི་རླབས་ཀྱིས་བྱུང་བ་ཡིན།། ཞལ
308a3 ནས་ངེས་པར་བརྒྱུད་པ་ཡི།། མན་ངག་སྙིང་པོ་འདི་རྟོགས་ན།། རྟོགས་པ་མངོན་གྱུར་སངས་རྒྱས་ཡིན།། དེ་མེད་ཆོས་རྣམས་མ་ལུས་ཀུན།། སྨྲེ་འདྲའི་ལུང་གིས་བསླད་པའི་ཕྱིར།། ཐེག་དགུའི་ཆོས་རྣམས་རྐྱེན་གྱིས
308a4 བསྐྱེད།། དེ་ཕྱིར་ངེས་དོན་བཀའ་མ་ཡིན།། དེར་བརྟེན་སྒྲུབ་ཐབས་བསྟན་བཅོས་ཀུན།། བྱས་པའི་ཆོས་ཀུན་ཤིན་ཏུ་ནོར།། ཐེ་ཚོམ་མཁས་པ་ཡིན་ཟེར་ནས།། བསྟོད་ར་ལོ་རྒྱུས་མང་བཤད་ཀྱང་།། སྨྲེ་འདྲའི་ལུང
308a5 གིས་དམ་ཆོས་བསླད།། ཆུ་དང་འོ་མ་འདྲེས་པ་འདྲ།། དེ་ཕྱིར་སྨྲེ་འདྲ་ལུང་ངན་ལ།། བརྟེན་པས་ལམ་ནོར་རྟོག་པས་ཟིན།། དེ་ཕྱིར་སྡུག་བསྔལ་སྣ་ཚོགས་མྱོང་།། རྫོགས་པ་ཆེན་པོ་ངེས་དོན་འདུས་པ་ལས། ལུང་ལ
308a6 མ་བརྟེན་པའི་མན་ངག་བསྟན་པའི་ལེའུ་སྟེ་ང་ལྔ་པའོ།། །། དེ་ནས་རྡོ་རྗེ་སེམས་དཔའ་ཡིས།། འདུས་པའི་འཁོར་ལ་ཕན་གདགས་ཕྱིར།། ཀུན་རིགས་སེམས་ཀྱི་རྒྱལ་པོ་ལ།། བདེན་པའི་ཡིད་ཀྱིས་འདི་སྐད
iiif viewer powered by OpenSeadragon
