| e-texts navigator |
| Wylie |
307b1 ཡིས།། ལུང་ལ་མ་བརྟེན་མན་ངག་འདི།། དད་ལྡན་འཁོར་ལ་བཀའ་སྩལ་པ།། སངས་རྒྱས་ཀུན་གྱི་ཡེ་ཤེས་སྐུ།། རང་བྱུང་ཡེ་ཤེས་རྟོགས་ལས་བྱུང་།། འདུས་མ་བྱས་པ་ནམ་མཁའ་འདྲ།། གང་ཡང་མེད་པའི་སྔོན
307b2 རོལ་དུ།། རང་བྱུང་ངོ་བོ་ཉིད་ཀྱི་གཞི།། ལུང་ལ་མ་བརྟེན་མན་ངག་ཆོས།། རང་གི་རིག་པས་རང་རྟོགས་ཕྱིར།། འཁྲུལ་མ་མྱོང་ལ་རྟོགས་མ་མྱོང་།། དེ་ཚེ་འཁོར་འདས་འབྱུང་བ་མེད།། གཞི་ཤེས་རང་བྱུང་རིག་པ
307b3 ལ།། གཞི་ནས་མ་རིག་མེད་པའི་ཕྱིར།། རྐྱེན་གྱིས་སྔར་འཁྲུལ་མ་མྱོང་བས།། ལུང་ལྡན་གྱིས་ནི་བསྟན་མི་དགོས།། དེ་ཕྱིར་ལུང་ལས་མ་བྱུང་ཆོས།། ཡ་མཚན་རྨད་དུ་བྱུང་བའི་བཀའ།། སངས་རྒྱས་ཐམས་ཅད་དེ
307b4 ལས་བསྐྱེད།། ད་ཡང་འདུས་པའི་སྙིང་པོ་ཉོན།། རང་བྱུང་ཀུན་ཏུ་བཟང་པོ་ལ།། ཡུལ་མེད་འཛིན་པ་མེད་པའི་ཕྱིར།། ཡེ་ནས་རིག་པ་རང་ལ་ཤར།། དུས་དེ་ཉིད་དུ་མ་རིག་སངས།། དེ་ཕྱིར་ལུང་ལས་མ་བྱུང
307b5 བའི།། ངེས་དོན་སྙིང་པོ་ཆོས་ཞེས་བྱ།། དེ་ཡང་འདུས་པའི་སྙིང་པོ་ཉོན། ཀུན་བཟང་སློབ་དཔོན་མེད་པའི་ཕྱིར།། ཕྱི་ནང་ཆོས་ཀུན་བཤད་ལུང་མེད།། དེ་ཕྱིར་གཞན་ལ་མ་བརྟེན་པར།། རང་གི་རིག་པས་ཤེས་པའི
307b6 ཕྱིར།། ལུང་ལ་མ་བརྟེན་མན་ངག་ཆོས།། རྒྱལ་བ་རྣམས་ཀྱི་རྟོགས་ཚུལ་ཡིན།། དེ་ཡང་འདུས་པའི་སྙིང་པོ་ཉོན།། ལུང་ལ་མ་བརྟེན་ཆོས་སྐུ་ལ།། འཁོར་བ་བཙལ་གྱིས་མི་རྙེད་པས།། སངས་རྒྱས་ཀུན་ཏུ་བཟང་པོ
iiif viewer powered by OpenSeadragon
