| e-texts navigator |
| Wylie |
307a1 སྟོབས་ཀྱིས་འབྱུང་བའི་དཔེ།། ལྷ་ཡི་པཉྩ་ལི་ཀ་བཞིན།། རྒྱུ་རྐྱེན་མ་བསྐྱེད་རང་བྱུང་སྐུ།། སུས་ཀྱང་མ་བྱས་བྱས་པ་མེད།། དེ་ཕྱིར་ཆོས་ཉིད་བརྡལ་བའི་སྐུ།། རང་བྱུང་ཡེ་ཤེས་རྒྱུས་མ་བསྐྱེད།། རྐྱེན
307a2 མེད་རང་གསལ་རྒྱུན་མི་ཆད།། གཉེན་པོའི་རྐྱེན་གྱིས་བཅོས་སུ་མེད།། རྒྱུ་ལས་མ་བྱུང་འབྲས་བུ་ཡིན།། དེ་ཡང་འདུས་པའི་སྙིང་པོ་ཉོན།། སྐྱེ་མེད་རང་བྱུང་དོན་རྟོགས་ནས།། ཚོགས་གཉིས་མ་བསགས་ཁྱད་པར
307a3 འཕགས།། དེ་ཕྱིར་ཚོགས་བསགས་རྩེད་མོ་འདྲ།། དྲང་དོན་ཚོགས་བསགས་གཡེངས་པས་ཕུང་།། གཟུགས་སྐུ་ཚོགས་གཉིས་ལས་མ་བྱུང་།། དེ་ཕྱིར་ཆོས་སྐུ་རྟོགས་གྱུར་ནས།། ཚོགས་མ་བསགས་པའི་གཟུགས་སྐུ
307a4 འབྱུང་།། དེ་ཕྱིར་རྒྱུ་མེད་འབྲས་བུ་ཡིན།། ད་ཡང་རྡོ་རྗེ་སེམས་དཔའ་ཉོན།། ངོ་བོ་གཅིག་ལ་ཐ་དད་མེད།། བྱད་དང་མེ་ལོང་གཟུགས་བརྙན་བཞིན།། ཆོས་སྐུའི་རྩལ་ནི་གཟུགས་སྐུ་གཉིས།། ཚོགས་མ་བསགས་པར
307a5 ཤུགས་ལས་འབྱུང་།། སྐུ་གསུམ་འགྲོ་དོན་ཐ་དད་ཀྱང་།། རྒྱུ་རྐྱེན་མ་བསྐྱེད་ཡེ་ནས་གནས།། དེ་ཕྱིར་ཆོས་སྐུའི་རང་རྩལ་འདི།། མཐོང་སྟོང་སྣ་ཚོགས་ཅིར་ཡང་འཆར།། དེ་ཙམ་ཉིད་ནས་རྒྱུ་རྐྱེན་བྲལ།། དཔེར་ན་ནམ
307a6 མཁའ་ཇི་བཞིན་ནོ།། རྫོགས་པ་ཆེན་པོ་ངེས་དོན་འདུས་པ་ལས། རྒྱུ་ལས་མ་བྱུང་བའི་འབྲས་བུ་བསྟན་པའི་ལེའུ་སྟེ་ང་བཞི་པའོ།། །། དེ་ནས་འདུས་པའི་ཚོགས་རྣམས་ལ།། ཀུན་རིག་ཆོས་ཀྱི་རྒྱལ་པོ
iiif viewer powered by OpenSeadragon
