| e-texts navigator |
| Wylie |
306a1 གསུངས་པ་དེ།། སེམས་ལས་མ་བྱུང་སངས་རྒྱས་ཡིན།། དེ་ཡང་འདུས་པའི་སྙིང་པོ་ཉོན།། ངེས་དོན་སངས་རྒྱས་ཁྱད་པར་ཅན།། ཀུན་གཞི་མེད་ཕྱིར་སྣང་བ་མེད།། དེ་ཕྱིར་སེམས་མེད་རིག་པ
306a2 འདི།། སེམས་ལས་མ་བྱུང་སངས་རྒྱས་ཡིན།། སེམས་བྲལ་ལྷག་མཐོང་ཆོས་ཉིད་ལ།། དེ་ལ་ཡིད་ཆེས་ངེས་པའི་གདེང་།། སངས་རྒྱས་དགོངས་པ་མ་ནོར་བ།། དམ་པའི་ཐུགས་ལ་གསལ་བ་འདི།། སེམས་ལས་མ
306a3 བྱུང་སངས་རྒྱས་ཡིན།། ཐེག་དགུའི་ཆོས་ལས་ཁྱད་པར་འཕགས།། རྫོགས་པ་ཆེན་པོ་ངེས་དོན་འདུས་པ་ལས། སེམས་ལས་མ་བྱུང་བའི་སངས་རྒྱས་བསྟན་པའི་ལེའུ་སྟེ་ང་གསུམ་པའོ།། །། དེ་ནས་འདུས་པའི
306a4 ཚོགས་རྣམས་ལ།། རྒྱུ་ལས་མ་བྱུང་འབྲས་བུ་ནི།། ཀུན་རིག་སྟོན་པས་བཀའ་སྩལ་པ།། རྒྱུ་རྐྱེན་མེད་པའི་མཐུན་དཔེ་ནི།། ནོར་བུ་རིན་ཆེན་ཀུན་ལྡན་གཞི།། ཆོས་སྐུ་རྒྱུ་ལ་རག་མ་ལུས།། རྐྱེན་ལ་མི་ལྟོས་སྨོས་ཅི
306a5 དགོས།། དེ་ཡང་འདུས་པའི་སྙིང་པོ་ཉོན།། རྒྱུ་ནི་འདུས་བྱས་མི་རྟག་ཕྱིར།། གཉེན་པོས་འཇིག་ཕྱིར་རྐྱེན་ཁར་འགྲོ།། དེ་ཕྱིར་རྐྱེན་གྱིས་མ་བསྐྱེད་པའི།། རང་བྱུང་ཆོས་སྐུ་འགྱུར་མེད་དེ།། ཆོས་རྣམས་ཀུན་གྱི་སྙིང་པོ
306a6 ཡིན།། ཕྱི་ནང་ཆོས་ཀུན་བག་ཆགས་ཀྱི།། རྒྱུ་རྐྱེན་ངན་པས་བསྐྱེད་པའི་ཕྱིར།། འཁྲུལ་པ་ཡིན་པར་ཐེ་ཚོམ་མེད།། དེ་ཕྱིར་འཁོར་འདས་མ་རིག་པའི།། ངེས་དོན་ཆོས་སྐུའི་སྙིང་པོ་ནི།། རྒྱུ་ལས་མ་བྱུང་རང་བྱུང
iiif viewer powered by OpenSeadragon
