| e-texts navigator |
| Wylie |
305b1 པོ་ཆོས་ཀྱི་སྐུ།། སེམས་ལས་མ་བྱུང་སངས་རྒྱས་ཡིན།། མ་རིག་ལས་བྱུང་སེམས་ཅན་ཀུན།། སེམས་སུ་འཛིན་ཕྱིར་སྡུག་བསྔལ་བྱུང་།། དེ་ཕྱིར་སེམས་བྲལ་སྤྲོས་པ་མེད།། སྤྲོས་བྲལ་ཆོས་ཉིད་རང་བྱུང་སྐུ།། རང
305b2 སེམས་བྲལ་བས་དམིགས་པ་མེད།། དམིགས་མེད་ཆོས་ཀྱི་སྐུ་ཞེས་བྱ།། སེམས་ལ་དུས་གསུམ་ཡོད་པའི་ཕྱིར།། ཚེ་ལ་སྔ་ཕྱི་ད་ལྟ་འབྱུང་།། སེམས་ལ་འཕོ་འགྱུར་ཡོད་པའི་ཕྱིར།། དེ་ཕྱིར་ལུས་ལ་སྐྱེ་འཆི་འབྱུང་།། ན
305b3 ཚ་བདེ་སྡུག་སྣ་ཚོགས་པ།། རང་སེམས་ཡིན་ཕྱིར་འཁོར་བར་སྨིན།། དེ་ཕྱིར་སེམས་ནི་སངས་རྒྱས་མིན།། དེ་ཡང་འདུས་པའི་སྙིང་པོ་ཉོན།། སྐྱེ་ཤི་མེད་ཕྱིར་སེམས་དང་བྲལ།། སྐྱེ་མེད་རང་བྱུང་ཡེ་ནས་གནས།། དེ
305b4 ཉིད་ལམ་གྱི་ཡེ་ཤེས་ནི།། ཐོག་མཐའ་ཆོད་ན་དུས་གསུམ་གཅིག། ཆོས་སྐུ་གཅིག་ཕྱིར་འཕོ་འགྱུར་མེད།། སྔ་ཕྱི་མེད་པར་རང་བྱུང་སྐུ།། སེམས་ལས་མ་བྱུང་སངས་རྒྱས་ཡིན།། འཕོ་འགྱུར་མེད་པས་སྡུག་བསྔལ
305b5 བྲལ།། བརྗོད་མེད་རང་གི་ངོ་བོ་ལ།། ཚོར་བ་བདེ་སྡུག་གང་ཡང་མེད།། དེ་ཕྱིར་ཆོས་ཉིད་བདེན་པའི་ངང་།། སེམས་ལས་མ་བྱུང་སངས་རྒྱས་ཡིན།། དེ་ཡང་འདུས་པའི་སྙིང་པོ་ཉོན།། དུས་དང་སྤྱོད་ལམ་ཐམས་ཅད
305b6 དུ།། ངེས་དོན་འབྲལ་མེད་སེམས་ལས་འདས།། དེ་ཕྱིར་ལྟ་བ་འགྱུར་བ་མེད།། འགྱུར་མེད་ཆོས་དབྱིངས་རང་བྱུང་ཀློང་།། མ་ཡེངས་ཡེངས་མེད་དེ་ལྟ་ཉིད།། སྒོམ་པ་ཀུན་གྱི་མཆོག་ཏུ་ནི།། ཀུན་བཟང་རྒྱལ་བས
iiif viewer powered by OpenSeadragon
