| e-texts navigator |
| Wylie |
304b1 དེ།། སངས་རྒྱས་ཀུན་གྱི་ངེས་པའི་དོན།། རྣལ་འབྱོར་ཀུན་གྱི་དམ་པའི་ལམ།། ཐམས་ཅད་མཁྱེན་པའི་ཡེ་ཤེས་མཆོག། དེ་ཡང་འདུས་པའི་སྙིང་པོ་ཉོན།། མཚན་ཉིད་སེམས་སུ་འདོད་པ་ཡིས།། མ་རིག་ཆོས་ནི
304b2 བདེན་གཉིས་སུ།། བློ་ཡིས་ནན་བརྟགས་སེམས་ཀྱིས་བཅོས།། ཚོགས་བསགས་སྒྲིབ་སྦྱངས་ཀུན་བརྟགས་པའི།། སེམས་བྲལ་རང་བྱུང་ཆོས་ཀྱི་སྐུ།། སེམས་ལས་མ་བྱུང་སངས་རྒྱས་འདི།། ཐེག་པ་ཀུན་ལས་ཁྱད
304b3 པར་འཕགས།། ཕྱི་ནང་གསང་སྔགས་བསྐྱེད་རྫོགས་ནི།། ཏིང་འཛིན་གསུམ་གྱིས་ལྷར་བསྒོམས་ནས།། ཕྲིན་ལས་རྣམ་བཞིའི་མཛད་སྤྱོད་ཀུན།། འབྲས་བུ་མི་ཐོབ་ཀུན་བརྟགས་པས།། ཡིད་སྨོན་དཀྱིལ་འཁོར་ལྷ
304b4 ཚོགས་ཀུན།། དྲང་དོན་ཡིན་ཕྱིར་འཁྲུལ་པའི་སེམས།། གསལ་བརྟན་ཏིང་འཛིན་གོམས་གྱུར་ཀྱང་།། སེམས་ལས་མ་བྱུང་སངས་རྒྱས་མིན།། དེ་ཡང་འཁོར་གྱི་སྙིང་པོ་ཉོན།། ཡང་དག་ངེས་དོན་སངས་རྒྱས་ནི།། ཡིད
304b5 ཀྱིས་མ་བསྒོམས་མ་བསྐྱེད་པས།། རྩོལ་མེད་རང་བྱུང་གསལ་བ་འདི།། སེམས་ལས་མ་བྱུང་སངས་རྒྱས་ཡིན།། སྣང་མེད་རང་བྱུང་ཆོས་ཉིད་ལ།། ཡུལ་དུ་བྱས་པ་མེད་པའི་ཕྱིར།། ལྷ་མེད་བསྒོམ་རྒྱུ་ཅི་ལ་ཡོད།། དེ
304b6 ཕྱིར་སེམས་ནི་ཀུན་བརྟགས་ཡིན།། གང་ཡང་མ་བསྒོམས་ཆོས་ཉིད་ནི།། སེམས་ཀྱི་ཡུལ་ལས་འདས་པའི་ཕྱིར།། སེམས་ལས་མ་བྱུང་རང་བྱུང་སྟེ།། སངས་རྒྱས་ཀུན་གྱི་དགོངས་པ་ཡིན།། དེ་ཡང་རྡོ་རྗེ་སེམས་དཔའ
iiif viewer powered by OpenSeadragon
