| e-texts navigator |
| Wylie |
304a1 རྟོགས་ཕྱིར།། ལས་ཀྱི་སྒྲིབ་པ་དེ་ལ་མེད།། དེ་ཡང་ངེས་པའི་འབྲས་བུ་ཡིན།། འཁོར་འདས་ཆོས་ནི་གང་ལ་ཡང་།། མ་ཆགས་མི་གཡོའི་སྟོབས་ལྡན་ཕྱིར།། མཆོད་པའི་སྒྲིབ་པ་དེ་ལ་མེད།། དེ་ཡང་ངེས
304a2 པའི་འབྲས་བུ་ཡིན།། ཡང་དག་སངས་རྒྱས་རྣམས་གསུངས་པའི།། ངེས་པའི་ལུང་ལ་ཡིད་ཆེས་པས།། ཐེ་ཚོམ་སྒྲིབ་པ་དེ་ལ་མེད།། དེ་ཡང་ངེས་པའི་འབྲས་བུ་ཡིན།། དེ་ཡང་འདུས་པའི་སྙིང་པོ་ཉོན།། གོལ་སྒྲིབ་མེད
304a3 པའི་དོན་ཤེས་ན།། རྒྱལ་བ་ཉིད་དང་དགོངས་པ་མཉམ།། དེ་ཕྱིར་ཆོས་སྐུ་ད་ལྟའི་ཐུགས།། སངས་རྒྱས་ཞེས་ནི་དེ་ལ་བྱ།། རྫོགས་པ་ཆེན་པོ་ངེས་དོན་འདུས་པ་ལས། སྒྲིབ་པ་མེད་པའི་འབྲས་བུ་ཉམས་སུ་བླངས་པའི
304a4 ལེའུ་སྟེ་ང་གཉིས་པའོ།། །། དེ་ནས་རྡོ་རྗེ་སེམས་དཔའ་ཡིས།། འདུས་པའི་འཁོར་ལ་ཕན་གདགས་ཕྱིར།། ཀུན་རིག་སྟོན་པ་ཆོས་རྗེ་ལ།། ངེས་པའི་དོན་དགོངས་འདི་སྐད་གསོལ།། སེམས་ལས་མ་བྱུང
304a5 སངས་རྒྱས་དང་།། རྒྱུ་ལས་མ་བྱུང་འབྲས་བུ་དང་།། ལུང་ལ་མ་བརྟེན་མན་ངག་རྣམས།། ཀུན་རིག་སྟོན་པས་བཤད་དུ་གསོལ།། དེ་སྐད་ཞུས་པའི་དོན་གསན་ནས།། ཀུན་རིག་སྟོན་པས་བཀའ་སྩལ་པ།། ངེས་པ
304a6 གསུམ་གྱིས་ཁྱད་འཕགས་པ།། ཁྱོད་ལ་ལེགས་པར་བཤད་ཀྱིས་ཉོན།། ཡིད་ལ་ཟུང་ལ་ངེས་པར་ཆོངས།། ད་ཡང་རྡོ་རྗེ་སེམས་དཔའ་ཉོན།། སེམས་ལས་མ་བྱུང་སངས་རྒྱས་ནི།། རང་བྱུང་ཡེ་ཤེས་ཆོས་སྐུ
iiif viewer powered by OpenSeadragon
