| e-texts navigator |
| Wylie |
303b1 གྱི།། བརྟུལ་ཞུགས་གང་ཡང་མི་དགོས་པས།། བླང་དོར་སྤྱོད་པར་དེ་མི་གོལ།། དེ་ཡང་ངེས་པའི་འབྲས་བུ་ཡིན།། རྣམ་རྟོག་གཞི་ལ་མེད་པའི་ཕྱིར།། གཉིས་མེད་དོན་ལ་མི་ལྟོས་པས།། ཕྱོགས་ཅན་ལྟ་བར་དེ་མི
303b2 དགོས།། དེ་ཡང་ངེས་པའི་འབྲས་བུ་ཡིན།། ཚོགས་བརྒྱད་གོལ་སར་ཤེས་པའི་ཕྱིར།། སེམས་ཉིད་དོན་ལ་མ་རྩོལ་བས།། མཉམ་ཉིད་དོན་ལས་མི་འགྱུར་ཕྱིར།། ཆོས་ཀྱི་སྐུ་ལ་གོལ་ས་མེད།། རྫོགས་པ་ཆེན་པོ་ངེས
303b3 དོན་འདུས་པ་ལས། སྔགས་ཕྱི་ནང་གི་གོལ་ས་མེད་པའི་འབྲས་བུ་བསྟན་པའི་ལེའུ་སྟེ་ང་གཅིག་པའོ།། །། དེ་ནས་འདུས་པའི་འཁོར་རྣམས་ལ། ཀུན་རིག་སྟོན་པས་བཀའ་སྩལ་པ།། སྒྲིབ་པ་མེད་པའི་འབྲས་བུ
303b4 དེ།། ངེས་པའི་ལུང་ལྡན་བླ་མ་ཡིས།། ཡེ་ཤེས་ཆེན་པོར་ངོས་ཟིན་ཕྱིར།། སྐབས་དབྱེའི་སྒྲིབ་པ་དེ་ལ་མེད།། དེ་ཡང་ངེས་པའི་འབྲས་བུ་ཡིན།། ནམ་ལངས་མུན་སྒྲིབ་མེད་པ་བཞིན།། མ་རིག་བག་ཆགས་མེད་པའི
303b5 ཕྱིར།། བསླད་པའི་སྒྲིབ་པ་དེ་ལས་མེད།། དེ་ཡང་ངེས་པའི་འབྲས་བུ་ཡིན།། གང་ཡང་དམ་པར་བལྟ་མེད་ཕྱིར།། ཆེད་དུ་བྱས་ནས་བསྒོམ་མེད་པས།། ཕྱོགས་ལྷུང་སྒྲིབ་པ་དེ་ལ་མེད།། དེ་ཡང་ངེས་པའི་འབྲས་བུ
303b6 ཡིན།། གང་དྲན་ཆོས་སྐུར་རབ་ཤེས་པའི།། ལྟ་བ་ངེས་པའི་གདེངས་ཟིན་པས།། ཚོགས་ཀྱི་སྒྲིབ་པ་དེ་ལ་མེད།། དེ་ཡང་ངེས་པའི་འབྲས་བུ་ཡིན།། གསང་སྔགས་མཛད་སྤྱོད་ཐམས་ཅད་ལ།། བྱ་བ་མེད་པའི་དོན།
iiif viewer powered by OpenSeadragon
