| e-texts navigator |
| Wylie |
303a1 གོལ།། དེ་ཡང་ངེས་པའི་འབྲས་བུ་ཡིན།། གཞི་ལ་གོང་འོག་མེད་པའི་ཕྱིར།། ལམ་ལྔ་རིམ་གྱིས་མ་སྦྱངས་པས།། ས་བཅུ་ངེས་པར་དེ་མི་གོལ།། དེ་ཡང་ངེས་པའི་འབྲས་བུ་ཡིན།། རྫོགས་པ་ཆེན་པོ
303a2 ངེས་དོན་འདུས་པ་ལས།། རྒྱུ་མཚན་ཉིད་ཀྱི་གོལ་ས་དང་སྒྲིབ་པ་མེད་པར་བསྟན་པའི་ལེའུ་སྟེ་ལྔ་བཅུ་པའོ།། །། དེ་ནས་འདུས་པའི་འཁོར་རྣམས་ལ།། ཀུན་རིག་སྟོན་པས་བཀའ་སྩལ་པ།། བདག་དང་ཡེ
303a3 ཤེས་གཉིས་མེད་ཕྱིར།། དག་པའི་ལྷར་ནི་མ་བསྒོམས་པས།། ཀྲི་ཡའི་ཐེག་པར་དེ་མི་གོ་ལ།། དེ་ཡང་ངེས་པའི་འབྲས་བུ་ཡིན།། གོང་འོག་གཉིས་སུ་མི་བལྟའི་ཕྱིར།། ལྟ་སྤྱོད་ཡ་ཆར་མི་འགལ་བས།། ཨུ་པ་ཡར་ནི་དེ
303a4 མི་གོལ།། དེ་ཡང་ངེས་པའི་འབྲས་བུ་ཡིན།། ཡང་དག་ངེས་པའི་དོན་རྟོགས་ཕྱིར།། བྱང་ཆུབ་རྣལ་མ་མ་བསྒོམས་པས།། ཡོ་ག་སེམས་པར་དེ་མི་གོལ།། དེ་ཡང་ངེས་པའི་འབྲས་བུ་ཡིན།། འཁྲུལ་སྣང་གཞི་ལ་མེད
303a5 པའི་ཕྱིར།། རྣམ་རྟོག་ལྷ་རུ་མ་བསྐུར་བས།། མ་ཧཱ་ཡོ་གར་དེ་མི་གོལ།། དེ་ཡང་ངེས་པའི་འབྲས་བུ་ཡིན།། དབྱིངས་དང་ཡེ་ཤེས་གཉིས་མེད་ཕྱིར།། འདུ་འབྲལ་མེད་འཇོགས་ཡིད་མེད་ཕྱིར།། ཨ་ནུ་ཡོ་གར་དེ་མི
303a6 གོལ།། དེ་ཡང་ངེས་པའི་འབྲས་བུ་ཡིན།། སྣང་བ་སེམས་ཉིད་མིན་པའི་ཕྱིར།། ཆོས་ཉིད་མཚོན་དུ་མི་རྟོག་པས།། མཚན་མའི་སྐྱོན་དུ་དེ་མི་གོལ།། དེ་ཡང་ངེས་པའི་འབྲས་བུ་ཡིན།། ཕྱི་ནང་གསང་བའི་ཆོས་ཀུན
iiif viewer powered by OpenSeadragon
