| e-texts navigator |
| Wylie |
302b1 ཤེས་གཉིས་མེད་ཕྱིར།། འགྲོ་དྲུག་རྣམ་ཤེས་མི་འགེགས་པས།། འདུ་ཤེས་མེད་པར་དེ་མི་གོལ།། དེ་ཡང་ངེས་པའི་འབྲས་བུ་ཡིན།། སྤང་བའི་རྟོག་པ་མེད་པའི་ཕྱིར།། རྣམ་རྟོག་མ་སྤངས་རང་ཞི་བས།། ཉན་ཐོས
302b2 འགོག་པར་དེ་མི་གོལ།། དེ་ཡང་ངེས་པའི་འབྲས་བུ་ཡིན།། རྟེན་འབྲེལ་བཅུ་གཉིས་ཡུལ་མེད་ཕྱིར།། རྟོག་བཀག་སྟོང་པར་མ་བསྒོམས་པས།། རང་རྒྱལ་སེམས་སུ་དེ་མི་གོལ།། དེ་ཡང་ངེས་པའི་འབྲས་བུ་ཡིན།། དེ
302b3 ཡང་འདུས་པའི་སྙིང་པོ་ཉོན།། སྣང་བ་སེམས་སུ་མི་སྡུད་པས།། རང་རིག་གསལ་བར་མི་བསྒོམ་ཕྱིར།། སེམས་ཙམ་པར་ནི་དེ་མི་གོལ།། དེ་ཡང་ངེས་པའི་འབྲས་བུ་ཡིན།། དེ་ཡང་འདུས་པའི་སྙིང་པོ་ཉོན།། བདེན་པ
302b4 གཉིས་སུ་མི་དབྱེ་ཕྱིར།། མཚན་མ་སྟོང་པར་མི་བསྒོམས་པས།། དབུ་མ་གཉིས་སུ་དེ་མི་གོལ།། དེ་ཡང་ངེས་པའི་འབྲས་བུ་ཡིན།། ཕོ་མོ་རྩ་དང་ཐིག་ལེ་ཡི།། ཐབས་ཀྱི་བདེ་བ་མ་བསྒོམས་པས།། ཆགས་པའི་ལམ་དུ
302b5 དེ་མི་གོལ།། དེ་ཡང་ངེས་པའི་འབྲས་བུ་ཡིན།། ཚོགས་གཉིས་རྩོལ་བ་མེད་པའི་ཕྱིར།། རྒྱུ་འབྲས་རྐྱེན་ལ་མེད་ལྟོས་པས།། འདུས་བྱས་ཆོས་སུ་དེ་མི་གོལ།། དེ་ཡང་ངེས་པའི་འབྲས་བུ་ཡིན།། བག་ཆགས་བཟང་ངན
302b6 མིང་མེད་ཕྱིར།། དགེ་སྡིག་རེ་དོགས་རྩོལ་མེད་པས།། ལས་ཀྱི་དབང་དུ་དེ་མི་གོལ།། དེ་ཡང་ངེས་པའི་འབྲས་བུ་ཡིན།། སྣང་སྟོང་གཞི་ལ་མེད་པའི་ཕྱིར།། དབྱེ་བ་བསྟན་པའི་ཡུལ་མེད་པས།། ཕྲ་བའི་ལམ་དུ་དེ་མི
iiif viewer powered by OpenSeadragon
