| e-texts navigator |
| Wylie |
302a1 མེད་པའི་དོན།། དུས་གསུམ་འགྱུར་མེད་ཡེ་ཤེས་ཀློང་།། ཡང་དག་སངས་རྒྱས་དགོངས་པ་ཡིན།། དེ་ཡང་འདུས་པའི་སྙིང་པོ་ཉོན།། རང་བཞིན་རྣམ་དག་ཆོས་ཉིད་ལ།། སྤྲོས་པ་མེད་པ་ཉམས་སུ
302a2 ལོངས།། དེ་བླངས་འབྲས་བུ་སངས་རྒྱས་ཐོབ།། དེ་ཕྱིར་རང་བཞིན་རྟོགས་པ་གཅེས།། རྫོགས་པ་ཆེན་པོ་ངེས་དོན་འདུས་པ་ལས། རང་བཞིན་ཉམས་སུ་བླངས་པའི་ལེའུ་སྟེ་ཞེ་དགུ་པའོ།། །། དེ་ནས་ཀུན་རིག
302a3 རྒྱལ་པོ་ཡིས།། འདུས་པའི་འཁོར་ལ་བཀའ་སྩལ་པ།། རྩོལ་བ་མེད་པའི་འབྲས་བུ་ནི།། གོལ་སྒྲིབ་མེད་པའི་ཆོས་སྐུ་ལ།། དབྱེ་ན་རྣམ་པ་བཅུ་ཚན་གསུམ།། ཡིད་ལ་མི་བྱེད་གོལ་སྒྲིབ་མེད།། དེ་ཕྱིར་ངེས་པའི་འབྲས
302a4 བུ་ཡིན།། ད་ཡང་འདུས་པའི་སྙིང་པོ་ཉོན།། སྔ་ཕྱི་ཞེན་པའི་རྟོགས་པ་ཡིས།། བྱུང་ཚོར་རྗེས་སུ་མ་འབྲངས་པས།། འཇིག་རྟེན་ཕལ་པའི་སར་མི་གོལ།། དེ་ཡང་ངེས་པའི་འབྲས་བུ་ཡིན།། དེ་ཡང་བདག་མེད་དོན
302a5 རྟོགས་ཕྱིར།། ཡོད་མེད་ཡུལ་དུ་མ་བསྒོམས་པས།། རྟག་ཆད་མཐར་ནི་དེ་མི་གོལ།། དེ་ཡང་ངེས་པའི་འབྲས་བུ་ཡིན།། རྒྱལ་བའི་བཀའ་ལས་མན་ངག་གིས།། ཤེས་རབ་ཟབ་མོའི་དོན་ཟིན་པས།། ལུང་དུ་མ་བསྟན
302a6 དེ་མི་གོལ།། དེ་ཡང་ངེས་པའི་འབྲས་བུ་ཡིན།། ལྷག་མཐོང་རིག་པའི་གདེང་ཡོད་པས།། ཞི་གནས་རོ་ལ་མ་ཆགས་ཕྱིར།། འཇིག་རྟེན་བསམ་གཏན་སར་མི་གོལ།། དེ་ཡང་ངེས་པའི་འབྲས་བུ་ཡིན།། དབྱིངས་དང་ཡེ
iiif viewer powered by OpenSeadragon
