| e-texts navigator |
| Wylie |
301b1 མེད་དོན་དུ་སངས་རྒྱས་པས།། མ་རྟོགས་དོན་དུ་ངེས་པའི་དོན།། དགེ་རྩར་བསྔོ་བའི་ཕྲིན་ལས་རྫོགས།། རྫོགས་པ་ཆེན་པོ་ངེས་དོན་འདུས་པ་ལས། མཛད་པའི་ཕྲིན་ལས་ཉམས་སུ་བླང་བའི་ལེའུ་སྟེ་ཞེ་བརྒྱད
301b2 པའོ།། །། དེ་ནས་འདུས་པའི་ཚོགས་རྣམས་ལ།། ཀུན་རིག་སྟོན་པས་བཀའ་སྩལ་པ།། ངོ་བོ་རང་བཞིན་ངེས་པའི་དོན།། གང་ཡང་རུང་བ་ཅི་ལ་ཡང་།། དངོས་པོར་མེད་ཕྱིར་བརྟག་ཏུ་མེད།། མེད་པ་ལ་ནི་ཡོད
301b3 རྟོག་པ།། འཁྲུལ་པ་རྣམས་ཀྱིས་ཤེས་པ་ལས།། དམ་པ་ཀུན་གྱི་མི་མཁྱེན་ནོ།། དེ་ཡང་རྡོ་རྗེ་སེམས་དཔའ་ཉོན།། ནམ་མཁའ་དངོས་མེད་སེམས་དང་བྲལ།། དེ་ཕྱིར་རང་བྱུང་ངོ་བོ་ཉིད།། ཁ་དོག་དབྱིབས་མེད་སེམས
301b4 ལས་འདས།། དེ་ཕྱིར་རང་བྱུང་རྟོགས་པ་དཀའ།། ཆོས་སྐུ་སྐྱེ་མེད་རིག་པའི་སྐུ།། ཡིད་ཀྱི་ཡུལ་དུ་བསམ་དུ་མེད།། གང་ཡང་མ་སྤང་རིག་པ་དེ།། ཡོན་ཏན་ཀུན་འབྱུང་རང་རིག་སྐུ།། ད་ཡང་འདུས་པའི་སྙིང་པོ
301b5 ཉོན།། དེ་ལ་ལས་དང་རྐྱེན་གྱིས་ཚུགས།། དེ་ཕྱིར་རང་བྱུང་ཇི་བཞིན་ལ།། བཅོས་པ་མེད་ཕྱིར་རང་ལུགས་ཆོས།། འདུས་མ་བྱས་པས་ནམ་མཁའ་འདྲ།། ཆོས་ཉིད་རང་བཞིན་དམིགས་པ་མེད།། དེ་དོན་རང་བྱུང་རིག
301b6 པར་ངེས།། སེམས་ཀྱི་ཀུན་གཞི་རྩད་བཅད་ནས།། བག་ཆགས་ཀུན་གཞི་སྤྲིན་ལྟར་དེངས།། ལུས་ཀྱི་ཀུན་གཞི་ལེན་མི་སྲིད།། དེ་ཕྱིར་རང་བྱུང་རྟོགས་པས་ཆོག། དེ་ཡང་འདུས་པའི་སྙིང་པོ་ཉོན།། དེ་ལ་བཙལ་དུ
iiif viewer powered by OpenSeadragon
