| e-texts navigator |
| Wylie |
301a1 པ་དེ་ལ་རྫོགས།། བལྟ་བ་ཤེས་རབ་ངོ་བོ་ལ།། བསྒོམ་པ་ཐབས་ཀྱིས་རོལ་པའི་ཕྱིར།། སེམས་དང་ཆོས་སུ་དོན་སྦྱོར་བས།། སྦྱོར་སྒྲོལ་མཆོད་པ་དེ་ལ་རྫོགས།། ཆོས་ཀུན་རང་བྱུང་རིག་པར
301a2 འདུས།། གང་ལ་སྨོན་དུ་མེད་རྟོགས་པས།། ཡོན་ཏན་ཐམས་ཅད་ལྷུན་གྱིས་གྲུབ།། མཐར་ཕྱིན་སྨོན་ལམ་དེ་ལ་རྫོགས།། རང་བྱུང་ཆོས་སྐུའི་དོན་རྟོགས་པས།། མ་བརྗོད་དགོངས་པ་གཙོར་བྱས་པས།། སྐུ
301a3 གསུང་ཐུགས་ཀྱི་དོན་ཚང་ཕྱིར།། བཟླས་བརྗོད་འཕྲོ་འདུ་དེ་ལ་རྫོགས།། དགའ་ལྡན་འབྱོར་ལྡན་ངེས་དོན་ནི།། སྣང་སྲིད་བདེ་བ་རོལ་རྟོགས་པས།། ཚོགས་ཆེན་སྣོད་བཅུད་ཡེ་ཡིན་ཕྱིར།། ཚོགས་ཀྱི་ཕྲིན་ལས་དེ་ལ
301a4 རྫོགས།། གཙོ་དང་འཁོར་དུ་མི་འབྱེད་པས།། རང་རིག་བཟང་ངན་མིང་མེད་ཕྱིར།། བདེ་ཆེན་གཉིས་མེད་ངོ་བོ་ལ།། ལྷག་མའི་ཕྲིན་ལས་དེ་ལ་རྫོགས།། བྱ་བ་མེད་པའི་ལས་རྣམས་ནི།། གང་ཡང་འཛིན་མེད་རང
301a5 གསལ་བའི།། མི་བཟུང་ཡེ་ཤེས་ཆེན་པོ་ལ།། གཏོར་མའི་ཕྲིན་ལས་དེ་ལ་རྫོགས།། འཁོར་བ་མྱ་ངན་འདས་པའི་ཆོས།། ཡེ་ཤེས་རང་བྱུང་རང་གསལ་གྱི།། ཐིག་ལེ་གཅིག་ཏུ་འདས་པའི་ཕྱིར།། དཀྱིལ་འཁོར་བསྡུ
301a6 བའི་ཕྲིན་ལས་རྫོགས།། རང་བྱུང་ཡེ་ཤེས་རྡོ་རྗེ་ཡིས།། རང་བྱུང་ལྷར་ནི་དོན་གསལ་བས།། ཡེ་ཤེས་ལྷུན་གྲུབ་དོན་ལྡན་ཕྱིར།། བཀའ་ནན་ལུས་བསྲུང་ཕྲིན་ལས་རྫོགས།། མ་རིག་རྐྱེན་བཞི་མེད་པའི་ཕྱིར།། གཉིས
iiif viewer powered by OpenSeadragon
