| e-texts navigator |
| Wylie |
300b1 ཉིད་སྦྱོར་ཤེས་སྨན་གྱི་མཆོག། དུག་ལྔ་རང་གྲོལ་ཡེ་ཤེས་ཀྱིས།། ཉོན་མོངས་བདུད་རྩི་ཆེན་པོ་ལ།། ཡེ་ཤེས་བྱིན་བརླབས་དེ་ལ་རྫོགས།། བག་ཆགས་བརྟས་པའི་སྣང་བ་ལ།། མོས་པའི་ཏིང་འཛིན་དབང་བསྒྱུར
300b2 བ།། འབྱུང་བ་ལྔ་ཡིས་ཀུན་ཁྱབ་པ།། དབང་ཆེན་རིམ་པའི་ཕྲིན་ལས་རྫོགས།། ཕྱོགས་བཞི་རང་བཞིན་ལྷུན་གྲུབ་པས།། རིན་ཆེན་ལྔ་ལས་བྱས་པ་ཡི།། གཞལ་ཡས་ཁང་ཆེན་ཕྲིན་ལས་རྫོགས།། རྟོག་ཚོགས་ལྷ་རུ
300b3 གནས་བསྒྱུར་བས།། འཁྲུལ་སྣང་མེད་པར་གནས་པའི་ཕྱིར།། རིག་ཚོར་དོན་གྱིས་ལྷར་གསལ་བས།། ཡེ་ཤེས་ལྷ་རྣམས་དེ་ལ་རྫོགས།། འཁོར་འདས་གཞི་ལ་མེད་པའི་ཕྱིར། ཀུན་ཏུ་བཟང་པོའི་ངོ་བོ་ལས།། སངས
300b4 རྒྱས་སེམས་ཅན་གཉིས་མེད་ཕྱིར།། སྤྱན་དྲངས་བསྟིམ་པ་དེ་ལ་རྫོགས།། ཡེ་ནས་གནས་པའི་རང་བྱུང་དེ།། རང་ཆས་ཡོད་ཕྱིར་མ་བཙལ་བའི།། ཆོས་ཉིད་དོན་ལ་མི་འགྱུར་བས།། བརྟན་པར་བཞུགས་པའི་ཕྲིན
300b5 ལས་རྫོགས།། གཞི་ལ་སྐྱོན་ཡོན་མེད་པའི་ཕྱིར།། རང་བྱུང་ཕྱི་ནང་མེད་པས་ན།། བཟང་ངན་བླང་དོར་མི་བྱེད་པས།། ཟིལ་གྱིས་མནན་པའི་ཕྲིན་ལས་རྫོགས།། ཡང་དག་སངས་རྒྱས་དགོངས་པ་ལ།། དབྱེར་མེད
300b6 གཅིག་ཏུ་རྫོགས་པ་ཡིས།། ཐམས་ཅད་འདྲེན་པ་ཆེན་པོ་སྟེ།། ནན་ཏན་ཕྱག་རྒྱ་དེ་ལ་རྫོགས།། ཡེ་ཤེས་ལྷ་ཡི་ང་རྒྱལ་གྱིས།། ལུས་ངག་ཡིད་ཀྱི་བྱ་བ་ཀུན།། བསྐུལ་བསྐྱོད་ཐམས་ཅད་ཡེ་ཤེས་རོལ།། ཕྱག་རྒྱའི་མཆོད
iiif viewer powered by OpenSeadragon
