| e-texts navigator |
| Wylie |
300a1 པར་མ་ཆགས་ཁོང་ཁྲོ་མེད།། མཆེད་དང་ལྕམ་དྲལ་ལ་སོགས་པའི།། བརྩེ་གདུང་ཆོས་བྱེད་མི་འགྱོད་པ།། ངེས་དོན་རྟོགས་པའི་ཡེ་ཤེས་ལ།། རིག་པ་སོ་ཐུབ་དགོན་པའི་མཆོག། དེ་ཡང་འདུས་པའི
300a2 སྙིང་པོ་ཉོན།། དུས་དང་སྤྱོད་ལམ་ཐམས་ཅད་དུ།། རྒྱུན་དུ་གསལ་ཐེབས་ཆོས་སྤྱོད་ཡིན། དམ་ཚིག་ཆེན་པོའི་ཆོས་ཉིད་ལ།། རྒྱུན་དུ་མི་འབྲལ་ལྷ་དྲན་ཕྱིར།། མཚམས་མེད་བྱས་ཀྱང་ངེས་པའི་དོན།། དེ་ལྡན་ཉེས་པ
300a3 རྡུལ་ཙམ་མེད།། རྫོགས་པ་ཆེན་པོ་ངེས་དོན་འདུས་པ་ལས།། དམ་ཚིག་བསྲུང་ཉམས་མེད་པའི་ལེའུ་སྟེ་ཞེ་བདུན་པའོ།། །། དེ་ནས་འདུས་པའི་འཁོར་རྣམས་ལ།། ཀུན་རིག་སྟོན་པ་ཀུན་བཟང་གིས།། ཕྲིན
300a4 ལས་རྫོགས་པར་བཀའ་སྩལ་པ།། དཔེར་ན་ཡིད་བཞིན་ནོར་བུ་ལ།། དགོས་འདོད་ཐམས་ཅད་འབྱུང་བ་བཞིན།། ཡེ་ཤེས་རིག་པའི་དབང་ཐོབ་ཕྱིར།། ཕྱི་ནང་དབང་རྣམས་དེ་ལ་རྫོགས།། ཕྱོགས་བཅུ་ཡེ་ཤེས་ལྷུན
300a5 གྲུབ་པས།། མི་རྟོག་ཡེ་ཤེས་གེགས་བསལ་ནས།། གནོད་བྱེད་མཚམས་བརྟོལ་མེད་པའི་ཕྱིར།། ཕྱི་ནང་མཚམས་ཀུན་དེ་ལ་རྫོགས།། རང་བཞིན་དག་པའི་ངོ་བོ་ལ།། འཁོར་བའི་སྐྱོན་གྱིས་མ་གོས་ཕྱིར།། མ
300a6 རིག་རྣམ་རྟོག་སྒྲིབ་མེད་པས།། དོན་གྱི་བཤགས་པ་དེ་ལ་རྫོགས།། ཡེ་ནས་རང་བྱུང་ཆོས་སྐུ་ལ།། འཁོར་འདས་གཞི་ལ་མེད་པའི་ཕྱིར།། གཉིས་མེད་དོན་ལ་བློ་གནས་པས།། བྱིན་ཆེན་དབབ་པ་དེ་ལ་རྫོགས།། དུག
iiif viewer powered by OpenSeadragon
