| e-texts navigator |
| Wylie |
2b1 རྗེའི་རྭ་བ་པད་མས་བསྐོར་བ། དེ་དག་སྣང་ལ་རང་བཞིན་མེད་པ། བར་སྣང་གི་གཞའ་ལྟ་བུ། དེ་ལྟ་བུའི་གཞལ་ཡས་ཁང་ཆེན་པོ་ན། སྟོན་པ་བཅོམ་ལྡན་འདས་རྡོ་རྗེ་འཆང་ཆེན་པོ།། འཁོར་ཡེ་ཤེས་ཀྱི་རྩལ་མ
2b2 འགགས་པ་རིགས་ལྔར་སྣང་བ་དང་། གཞན་ཡང་ཡེ་ཤེས་ཀྱི་རྩལ་མ་འགགས་པ་སེམས་དཔའ་དང་། སེམས་མ་དང་། ཁྲོ་བོ་དང་། ཁྲོ་མོ་དང་། ཞུ་བ་པོའི་འཁོར་གསང་བའི་བདག་པོ་ཕྱག་ན་རྡོ་རྗེ་དང་། སྡུད་པ
2b3 པོའི་འཁོར་དགའ་རབ་རྡོ་རྗེ་དང་། གཞན་ཡང་མཁའ་འགྲོ་མ་རྣམ་པ་ལྔ་སྟེ། པུརྞ་ཉེ་བར་ཞི་བ་དང་། རྡོ་རྗེ་ཁྲོ་གདོང་མ་དང་། གཙུག་གི་རྒྱན་གཅིག་མ་དང་། རོ་ཟན་ཤཱནྟི་ཐོད་པའི་ཕྲེང་བ་ཅན་དང་། རྡོ་རྗེ་རླུང་གི་ག
2b4 ཤོག་པ་ཅན་དང་ལྔ་སྟེ། དེའི་རང་རང་ཉེ་འཁོར་ན་མཁའ་འགྲོ་མ་གྲངས་མེད་པ་དང་བཅས་པས་བསྐོར་ནས་བཞུགས་སོ།། དེའི་ཚེ་གསང་བའི་བདག་པོས་སྣ་དྲངས་ཏེ། འཁོར་རྣམས་ཀྱིས་བསྐོར་བ་ལན་བདུན་བྱས
2b5 ཏེ་མདུན་དུ་འདུག་ནས་སྟོན་པ་ལ་འདི་སྐད་ཞུས་སོ།། ཀྱེ་ཀྱེ་བཅོམ་ལྡན་རྡོ་རྗེ་འཆང་ཆེན་པོ།། རང་རིག་དོན་རྟོགས་རྩལ་ལ་དབང་ཐོབ་པ།། སྐུ་གསུམ་ལྷུན་གྲུབ་ལོངས་སྐུའི་ཚུལ་དུ་བཞུགས།། རིག་པ་སྤྲོས་དང
2b6 བྲལ་བ་ཆོས་སྐུར་རྫོགས།། འགྱུ་བའི་རྩལ་མི་འགག་པས་སྦྲུལ་སྐུར་འཆར།། སྣང་ལ་རང་བཞིན་མ་གྲུབ་ལོངས་སྐུའི་ཚུལ།། འཁྲུལ་རྟོག་གཉིས་ཀ་བསལ་བས་འགྲོ་དོན་འབྱུང་།། དུས་ཀྱི་སྙིགས་མ་དག་ལ་ཉེ་བའི
iiif viewer powered by OpenSeadragon
