| e-texts navigator |
| Wylie |
29a1 རྣམས་གསུང་དུ་གསོལ།། ཞེས་ཞུས་སོ།། སྟོན་པས་བཀའ་སྩལ་པ། ངོ་བོ་ཆོས་ཉིད་འགྱུར་མེད་ཡིན།། བསྡུས་པ་དེ་ལས་མེད་མོད་ཀྱི།། དབྱེ་བའི་སྒོ་ནས་མཚོན་ནས་ཀྱང་།། རྟགས་ཀྱི་གདན་ལ་རྣམ
29a2 པ་ལྔ།། ཁྱད་པར་གདན་ལ་རྣམ་པ་གཉིས།། ཆོས་ཉིད་གདན་ལའང་དེ་དང་མཚུངས།། རང་རང་དོན་གྱི་ངོ་ལས་སྦྱོར།། ངེས་ཚིག་དེ་ལ་བཞུགས་ཕྱིར་གདན་ཞེས་བྱ།། དབྱེ་བ་རྣམ་པ་གསུམ་ཡིན་ཏེ།། རྟགས་དང
29a3 ཁྱད་པར་ཆོས་དང་གསུམ།། དེ་ལས་ཕྱེ་བས་གོང་མ་བཞིན།། དཔེ་ནི་རྒྱལ་བློན་གདན་ལ་བཞུགས་པ་བཞིན།། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། གདན་གྱི་དོན་བཤད་པ་བསྟན་པའི
29a4 ལེའུ་སྟེ་ཉེར་བརྒྱད་པའོ།། །། དེ་ནས་ཡང་གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་རྡོ་རྗེ་འཆང་།། གདན་ལ་རྫོགས་པའི་གཙོ་བོ་ལས།། འཁོར་གྱི་སྣང་བ་ཇི་ལྟར་ཤར།། ཚོམ་བུའི་དཀྱིལ་འཁོར་ཇི་ལྟར
29a5 ལགས།། རྗེས་འཇུག་འཁོར་ལ་བཤད་དུ་གསོལ།། ཞེས་ཞུས་སོ།། བཅོམ་ལྡན་འདས་ཀྱིས་བཀའ་སྩལ་པ། བཅོམ་ལྡན་རྡོ་རྗེ་མི་བསྐྱོད་ལས།། ས་སྙིང་བྱམས་པ་གཡས་དང་གཡོན།། ཐུགས་རྗེ་ཐབས་ཀྱི་སྐུ་རུ
29a6 ཤར།། ཡུམ་ཆེན་སངས་རྒྱས་སྤྱན་དག་ལས།། ལཱ་སྱ་པུཥྤེ་གཡས་དང་གཡོན།། ཐབས་དང་ཐབས་ཀྱི་ཆ་འཛིན་ལས།། ཤེས་རབ་ཤེས་རབ་ཆ་འཛིན་པས།། རེ་རེ་ལའང་གཉིས་གཉིས་སྣང་།། ཚོམ་བུའི་དཀྱིལ་འཁོར
iiif viewer powered by OpenSeadragon
