| e-texts navigator |
| Wylie |
299a1 མེད་པའི་ཕྱིར།། གཉིས་མེད་དོན་གཅིག་ཆོས་ཀྱི་སྐུ།། མཐུན་འཇུག་སྤྱོད་པ་རྒྱ་མཚོར་ནི།། སྤྱོད་པ་སྣ་ཚོགས་ཅི་བདེར་སྤྱོད།། པདྨའི་སྐྱེས་འདམ་ཡིན་ཏེ།། དེ་ལ་སྐྱོན་གྱིས་གོས་མེད་ལྟར།། ཆོས་ཉིད
299a2 བླང་དོར་མེད་པར་རྟོགས།། ཏིང་འཛིན་ཉམས་པ་རྡུལ་ཙམ་མེད།། ཐུན་མོང་མ་ཡིན་རྣལ་འབྱོར་པས།། འཆིང་གྲོལ་མེད་ཕྱིར་གོལ་ས་མེད།། ད་ཡང་འདུས་པའི་སྙིང་པོ་ཉོན།། དེ་དག་རིག་སྤྱོད་ལྟ་བའི
299a3 གཟུངས།། རྒྱུན་དུ་མི་འབྲལ་དོན་མཛད་པ།། སངས་རྒྱས་མཛད་སྤྱོད་དུས་འདིར་འགྲུབ།། དེ་ཕྱིར་རྩོལ་མེད་སངས་རྒྱས་ཡིན།། རྫོགས་པ་ཆེན་པོ་ངེས་དོན་འདུས་པ་ལས། སྤྱོད་པ་འཆིང་གྲོལ་མེད་པ་ཉམས་སུ
299a4 བླངས་པ་བསྟན་པའི་ལེའུ་སྟེ་ཞེ་དྲུག་པའོ།། །། དེ་ནས་འདུས་པའི་ཚོགས་རྣམས་ལ། ཀུན་རིག་སྟོན་པ་ཀུན་བཟང་གིས།། དམ་ཚིག་བསྲུང་དང་ཉམས་མེད་པ།། ངེས་པའི་དོན་དུ་བཀའ་སྩལ་པ།། གདེང་ལྡན
299a5 ངེས་པའི་ཡེ་ཤེས་ཀྱིས།། བསྲུང་དུ་མེད་པའི་དམ་ཚིག་སྟེ།། ཡེ་བསྲུང་ཆེན་པོའི་ངང་དུ་བསྡམ།། སྡོམ་པ་ཕྱི་ནང་དམ་ཚིག་ཀྱང་།། གདུལ་བྱ་ཇི་ལྟར་འདོད་པ་སྟོན།། ཐ་སྙད་ཙམ་དུ་འདུལ་མོད་ཀྱང་།། དམ་དུ་བཅའ
299a6 བ་རྡུལ་ཙམ་མེད།། ཆོས་སྐུ་ཐུགས་ཀྱི་མཚན་ཉིད་དེ།། དེ་ཡི་ངང་དང་མི་འབྲལ་ན།། ཡེ་བསྲུང་གདེང་དང་ལྡན་པའི་ཕྱིར།། དམ་དུ་བཅས་ཀྱང་སྐྱོན་མེད་ཕྱིར།། དངོས་པོ་མེད་པ་ནམ་མཁའ་འདྲ།། དེ་ཡང་རྡོ་རྗེ
iiif viewer powered by OpenSeadragon
