| e-texts navigator |
| Wylie |
296a1 ནས་བསམ་གཏན་ཉམས་མྱོང་བ།། ཡིད་ལ་ཉམས་སུ་མྱོང་བ་ན།། ཞི་གནས་ཡིན་ཕྱིར་ལྷག་མཐོང་མེད།། ཉམས་མྱོང་མེད་ན་གདེང་དང་བྲལ།། དེ་ཕྱིར་བླུན་པོའི་སྤྱོད་ཡུལ་མིན།། གཞི་ཉིད་རྟོགས་ན
296a2 ཉམས་མི་དགོས།། དེ་ཕྱིར་རྟོགས་པ་ཤིན་ཏུ་གཅེས།། གང་ལྟར་དྲན་པ་ཉམས་ཀྱི་མཆོག། དེ་ལ་འདི་ཤེས་སྨྲ་མི་ཤེས།། དེ་ཕྱིར་མ་བསྒོམས་ང་ཡི་ཉམས།། དེ་ཡང་འདུས་པའི་སྙིང་པོ་ཉོན།། འཁོར་འདས་གཉིས་པས
296a3 ང་སྔའི་ཕྱིར།། སངས་རྒྱས་ཀུན་པས་ལུང་འདི་སྔ། ཀུན་ཏུ་བཟང་པོ་འདི་རྟོགས་པས།། སངས་རྒྱས་ཐམས་ཅད་ཕྱི་ནས་རྒྱས།། དེ་ཕྱིར་སངས་རྒྱས་མ་གསུངས་ཆོས།། སངས་རྒྱས་སེམས་ཅན་ང་ལས་བྱུང་།། གཞི་ལ
296a4 འཁོར་འདས་མེད་པའི་ཕྱིར།། སེམས་ཅན་ཐ་མལ་ལུས་སྲོག་ལ།། ཡེ་ཤེས་སྤྱོད་སྤང་ལ་སོགས་མེད།། ཕོ་ཚོད་བལྟ་བ་བདུད་ཀྱིས་བསླུས།། དེ་ཡང་འདུས་པའི་སྙིང་པོ་ཉོན།། རང་བྱུང་ཡེ་ཤེས་རྩ་བ་ནི།། དངོས་པོ
296a5 མེད་ལ་ཤེས་པ་ཡོད།། ཡིད་སྣང་སེམས་ཀྱི་རང་བཞིན་ལ།། ངེས་དོན་བཀའ་དང་དྲང་དོན་ལས།། ངོ་བོ་གཞི་གཅིག་མི་འགལ་ཀྱང་།། རྣམ་སྣང་ཤཱ་ཀ་ཐུབ་ཞིང་ཁམས་བཞིན།། དྲུག་གི་སྣང་བ་ཐ་དད་པ།། གཏན
296a6 ཚིགས་བཞི་ཡི་རང་བཞིན་ལས།། སྣང་བ་ཞེན་པས་གང་འགོག་པ།། ལྟ་བའི་ཡུལ་ནི་རྣམ་བཞི་ཡིས།། ཐམས་ཅད་བློ་ཡི་སྣང་བ་སྟེ།། གང་ཡང་མ་ཡིན་ཞེན་པ་འགོག། དེ་ཕྱིར་ངེས་དོན་གདམས་ངག་ཆེ།། དེ་བས
iiif viewer powered by OpenSeadragon
