| e-texts navigator |
| Wylie |
294a1 གསལ་ཆོས་སྐུར་ཤེས།། དེ་ཙམ་ཉིད་ནས་ཞེན་མེད་གསལ།། དེ་ཕྱིར་གཉེན་པོས་བསྒོམ་མི་དགོས།། དུང་ངེ་མ་ཡེངས་རང་ལུགས་ལ།། མ་ཡེངས་པ་ཞེས་བཏགས་པ་ཙམ།། དོན་ལ་ཆོས་སྐུ་དེ་ཉིད
294a2 ཡིན།། དེ་ཕྱིར་མ་ཡེངས་འབྲལ་བ་མེད།། གར་གནས་ཤེས་པ་འདི་ཉིད་ལས།། གཞན་དུ་གཡོས་པ་རྡུལ་ཙམ་མེད།། དེ་ཕྱིར་ཆོས་ཉིད་རྒྱུན་དུ་གནས།། ཤེས་པས་ཆོག་ཕྱིར་རྩོལ་བ་མེད།། དེ་ཡང་འདུས་པའི་སྙིང་པོ
294a3 ཉོན།། ལུང་ལྡན་ངེས་པའི་དོན་ཟིན་ནས།། ཐམས་ཅད་རང་བྱུང་ཉིད་ཀྱི་དོན།། མཁའ་ལྟར་ཁྱབ་ཅིང་ཉི་ལྟར་གསལ།། གསལ་ཙམ་ཉིད་ནས་ནུབ་པ་མེད།། དངོས་མེད་ཀུན་ཁྱབ་ཆོས་སྐུ་བདེ།། མེད་པ་མ་ཡིན་ཤེས
294a4 ཤིང་རིག། རིག་ཙམ་ཉིད་ནས་ངང་གིས་སྟོང་།། སྟོང་པ་ཉིད་ན་མཐའ་དབུས་མེད།། དེ་ཡང་འདུས་པའི་སྙིང་པོ་ཉོན།། ཡེ་ཤེས་ལྷུན་གྲུབ་ཆེན་པོ་ལ།། བྱིང་རྒོད་ཞེན་འཛིན་སྐྱོན་བྲལ་བས།། གསལ་བདེ་སྟོང་པ་ཆེན
294a5 པོ་ལ།། ངང་དུ་བཞག་པ་ཅི་ཡང་མེད།། མཉམ་གཞག་མེད་པས་རྗེས་ཐོབ་མེད།། ཐམས་ཅད་རང་བྱུང་ཆེན་པོ་ལས།། གཞན་དུ་གཡོ་བ་རྡུལ་ཙམ་མེད།། དེ་ཡང་འདུས་པའི་སྙིང་པོ་ཉོན།། དེ་ལྟར་རྟོགས་པའི་རྣལ
294a6 འབྱོར་པས།། ལམ་མེད་ལམ་ལྔར་མ་བགྲོད་ཅིག། ས་མེད་ས་བཅུར་མ་སྦྱོར་ཅིག། རྟེན་མེད་དམིགས་པ་མ་འཆའ་ཞིག། སྒྲིབ་མེད་སྒྲིབ་གཉིས་མ་སྦྱོང་ཞིག། ཡུལ་མེད་ཚོགས་གཉིས་མ་གསོག་ཅིག། ངེས་དོན་འདི
iiif viewer powered by OpenSeadragon
