| e-texts navigator |
| Wylie |
293b1 ཉིད་ལ་རིགས་པ་རྩལ་གྱི་དབང་བསྐུར་བའི་ལེའུ་སྟེ་སོ་དགུ་པའོ།། །། དེ་ནས་ཀུན་རིག་རྒྱལ་པོ་ལ།། རྡོ་རྗེ་སེམས་དཔས་དོན་ཞུས་པ།། མ་བསྒོམས་ཡེ་ཤེས་ཇི་ལྟར་གསལ།། རྟོག་པ་རང་སར་ཇི་ལྟར
293b2 གྲོལ།། ཐེ་ཚོམ་གེགས་རྣམས་ཇི་ལྟར་བསལ། ཀུན་རིག་སྟོན་པས་བཤད་དུ་གསོལ།། ཞུས་པའི་དོན་ནི་བཀའ་སྩལ་པ།། མ་བསྒོམས་དོན་དང་མི་འབྲལ་ལ།། ཐིག་ལེ་ཉག་མ་གཅིག་ཏུ་རྫོགས།། ཀུན་གཞི་གཞི་ཆ
293b3 ས་སྐུ་ལ།། སྣ་ཚོགས་སྣང་ཡང་འགྱུར་བ་མེད།། དེ་ཡང་རྡོ་རྗེ་སེམས་པ་ཉོན།། སེམས་ཉིད་བསྒོམ་དུ་མེད་པའི་དཔེ།། ནམ་མཁའ་བསྒོམ་དུ་མེད་དང་འདྲ།། དེ་བཞིན་སེམས་ཀྱིས་སེམས་བསྒོམ་དུ།། ཆོས་སྐུ
293b4 སེམས་ཀྱི་ཡུལ་ལས་འདས།། སྟོང་ཉིད་རིག་པའི་ཡེ་ཤེས་ལ།། ངེས་པར་འགྱུར་མེད་བལྟ་བའི་གཟུངས།། དོན་དུ་མི་བརྗེད་ཏིང་འཛིན་ལ།། རང་སེམས་རྟོགས་ཕྱིར་བསྒོམ་མི་དགོས།། དེ་ཡང་རྡོ་རྗེ་སེམས་དཔའ
293b5 ཉོན།། རང་བྱུང་ཆོས་སྐུའི་དོན་ཟིན་ན།། ཤེས་པ་གཏད་ལ་བསྒོམ་མི་དགོས།། དེ་ཕྱིར་རང་བྱུང་ནང་ནས་གསལ།། ཆོས་ཉིད་མ་བསྒོམས་འབྲལ་བ་མེད།། ཡང་དག་སངས་རྒྱས་དགོངས་པ་ལ།། འཕོ་འགྱུར་མེད་ཕྱིར
293b6 འདུས་མ་བྱས།། དེ་རྟོགས་རྣལ་འབྱོར་སྐལ་ལྡན་གྱིས།། མ་བསྒོམས་ཆོས་ཉིད་རང་བྱུང་ཤུགས།། དེ་ལ་རྟོགས་པས་བསྐྱོད་མི་བྱེད།། དེ་ཡང་རྡོ་རྗེ་སེམས་དཔའ་ཉོན།། ད་ལྟའི་ཤེས་པ་འདི་ཉིད་ལ།། མ་བཅོས་རང
iiif viewer powered by OpenSeadragon
