| e-texts navigator |
| Wylie |
292a1 འཛིན་རྩལ་གྱི་རྟགས་རྣམས་འབྱུང་།། རྟོག་པ་མེད་པར་གནས་པ་ནི།། བྱ་བ་བཏང་བའི་སྐྱེ་བུ་བཞིན།། ཅི་ཡང་མེད་པའི་རང་བཞིན་ལ།། མ་ཡེངས་གསལ་བར་ལྷུག་པར་བཞག། རྒོད་ན་ནམ་མཁའི
292a2 སྤྲིན་བཞིན་དུ།། བྱུང་ཡང་གཞི་ལ་གནོད་མེད་ལྟར།། སེམས་ཀྱི་རྩོལ་བ་ཚད་ཟིན་ན།། རྟོག་པས་མི་བསྒྲིབ་བཅོས་མི་དགོས།། དེ་ཡིས་བསྒོམ་ཉམས་བསྟན་པ་ནི།། དམིགས་པའི་དོན་ལ་སེམས་གཏད་ཀྱང་།། ཤེས
292a3 པ་གཏད་དུ་མི་ཆུད་པར།། ཡུལ་ལ་མི་རྟོག་བདེ་བར་གནས།། ཞེན་པའི་རྟོག་པ་སྐྱེ་ན་ཡང་།། བ་མོ་ལ་ནི་ཉི་ཤར་བཞིན།། རྗེས་སུ་མི་འབྲང་ལྷུན་གྱིས་འགྲོ།། དེ་ཚེ་ཞེ་ལ་ཡིད་ཆེས་འབྱུང་།། དེ་དུས་ཉིད་དུ་རང་མཉམ
292a4 ནི།། སྣང་མེད་འཁྲུལ་པ་ལོག་པ་ཙམ།། སྣང་བཅས་དོན་ཟིན་དེ་ཉིད་ཉམས།། དེ་ཉིད་གོམས་པས་ཉམས་སུ་བདེ།། རྫོགས་པ་ཆེན་པོ་ངེས་དོན་འདུས་པ་ལས། ནམ་མཁའ་མཚོན་པ་ཉིད་ལ་རིག་པ་རྩལ་གྱི
292a5 དབང་བསྐུར་བའི་ལེའུ་སྟེ་སོ་བདུན་པའོ།། །། དེ་ནས་འདུས་པའི་ཚོགས་རྣམས་ལ།། འགྲོ་དྲུག་གཡང་ས་བཅད་པའི་ཕྱིར།། རྩ་བ་སེམས་ལས་འདས་པ་ཡི།། ཡེ་ཤེས་ངོས་བཟུང་བཀའ་སྩལ་པ།། ཀུན་གཞི
292a6 གཞི་ཆ་ངོ་བོ་ལ།། ཆོས་སྐུ་ངོས་བཟུང་མཐུན་དཔེ་ནི།། རྩ་ཆུ་བརྟགས་ནས་ངོས་ཟིན་པ།། སྨན་པ་མཁས་པ་ཇི་བཞིན་དང་།། ནོར་བུ་ཆུ་འདངས་དཔེ་བཞིན་ནོ།། བྱང་ཆུབ་སེམས་ཀྱི་རིག་པའི་དོན།། སྔ་མ་འཕྲོ་བ
iiif viewer powered by OpenSeadragon
