| e-texts navigator |
| Wylie |
291b1 ལྷུལྡན་གྲུབ་གཅིག་ཏུ་བསྟན།། རྫོགས་པ་ཆེན་པོ་ངེས་དོན་འདུས་པ་ལས།། མཐའ་བྲལ་ལྷུན་གྱིས་གྲུབ་པའི་ལྟ་བ་བསྟན་པའི་ལེའུ་སྟེ་སོ་དྲུག་པའོ།། །། དེ་ནས་རྡོ་རྗེ་སེམས་དཔའ་ཡིས།། འཁོར་གྱི་དོན་དུ་ཡང
291b2 ཞུས་པ།། མཚན་མ་ཟིལ་གྱིས་ཇི་ལྟར་མནན།། འགྲོ་དྲུག་གཡང་ས་ཇི་ལྟར་བཅད།། ཡེ་ཤེས་སྤྱི་བླུགས་ཇི་ལྟར་བསྒོམ།། ཀུན་རིག་སྟོན་པས་བཤད་དུ་གསོལ།། དེ་སྐད་ཞུས་པའི་དོན་གསན་ནས།། འདུས་པའི
291b3 འཁོར་ལ་བཀའ་སྩལ་པ།། མཚན་མ་ཟིལ་གྱིས་མནན་པའི་ཕྱིར།། མ་རིག་མུན་པ་ལྟ་བུ་ལ།། རིག་པ་ཡེ་ཤེས་བསྟན་པའི་ཐབས།། རིག་པའི་དབང་ཆེན་བཀའ་སྩལ་པ།། དེ་ཡི་དང་པོ་དཔེ་བསྟན་པ།། བྲམ་ཟེ་གཙང
291b4 མས་ཁྲུས་གསོལ་ཏེ།། རྒྱལ་སྲིད་དག་ལ་དབང་བསྐུར་བཞིན།། དོན་གྱིས་ཟིན་ནས་རང་བྱུང་འཆར།། དེ་དོན་ངེས་པར་དྲང་ཐབས་ཀྱི།། འདུས་མ་བྱས་ཀྱི་ནམ་མཁའ་ལ།། རང་གི་ཚད་དང་ལྡན་པ་ལ།། སེམས་ནི
291b5 དྲག་ཏུ་གཏད་པར་བྱ།། དཔེར་ན་གྱི་ལིང་རྟ་འདུལ་བཞིན།། རང་གི་ཤེས་པ་མ་ཡེངས་པར།། དྲག་གཞན་བར་ནས་རྩོལ་བས་གདོན།། ཚད་ཟིན་དོན་ལ་གནས་པར་བྱ།། དེའང་ཁམས་དང་སྦྱར་བྱས་ལ།། ཁམས
291b6 བདེ་ཐུན་ནི་རིང་བར་བྱ།། མི་བདེ་ཡུན་ནི་ཐུང་བར་བྱ།། ཡང་ན་ལངས་ལ་ཅུང་ཟད་བཅག། རྟགས་ནི་ལུས་སེམས་གཉིས་འབྱུང་སྟེ།། ལུས་ནི་འདར་ཞིང་མཆི་མ་འབྱུང་།། སེམས་ནི་བདེ་ལ་བཏང་དཀའ་སྟེ།། ཏིང
iiif viewer powered by OpenSeadragon
