| e-texts navigator |
| Wylie |
291a1 འདུས་པ་ལས། གནས་ལུགས་འགྱུར་བ་མེད་པ་བསྟན་པའི་ལེའུ་སྟེ་སོ་ལྔ་པའོ།། །། དེ་ནས་འཁོར་གྱི་ཚོགས་རྣམས་ལ།། ཀུན་རིག་སྟོན་པས་བཀའ་སྩལ་པ།། ནང་གི་སྒྲིབ་པས་བསྒྲིབ་མེད
291a2 དོན།། ད་ལྟའི་ཆོས་སྐུ་འདི་ལ་ནི།། འདུས་མ་བྱས་ཕྱིར་རྟག་ཆད་མེད།། ཡེ་ཤེས་རྣམ་པ་ཉིད་ཡིན་ནོ།། དེ་ཡང་འདུས་པའི་སྙིང་པོ་ཉོན།། ཀུན་གཞི་མཉམ་ཉིད་རྒྱལ་བའི་ཐུགས།། མ་ལུས་སེམས་ཅན་ཐམས་ཅད
291a3 ལ།། རྟག་མེད་བདག་བྲལ་ཆོས་སྐུར་གནས།། དངོས་མེད་ཁྱབ་པས་ནམ་མཁའ་འདྲ།། ཆད་པ་མ་ཡིན་གཉུག་མར་གནས།། འཛིན་མེད་ཡེ་ཤེས་ངང་གིས་གསལ།། དངོས་པོར་མེད་པ་ཆོས་སྐུ་ཡོད།། རང་བྱུང་ཉི
291a4 མའི་སྙིང་པོ་འདྲ།། དབུ་མར་མི་གནས་ཡེ་ཤེས་ནི།། ཅི་ཡང་མ་ཡིན་ཉོན་མོངས་སེལ།། མཐའ་གསུམ་བྲལ་བའི་ཆོས་ཉིད་ནི།། མི་འགྱུར་འཇོམས་པས་རྡོ་རྗེ་འདྲ།། བླ་མས་དོན་བསྟན་རྣལ་འབྱོར་པས།། ཐེ་ཚོམ་མེད
291a5 པར་རང་སེམས་རྟོགས།། ཡུལ་དང་ཆོས་སྐུ་མ་འདྲེས་པ།། ཀ་ཤིའི་རས་ཀྱིས་རིན་ཆེན་འདྲ།། ད་ཡང་འདུས་པའི་སྙིང་པོ་ཉོན།། ངེས་དོན་རྟོགས་པར་ཡིད་ཆེས་པའི།། ཆོས་སྐུ་འགྱུར་མེད་རང་ལ་གསལ།། དེ་ཙམ
291a6 ཉིད་ནས་གདེང་གིས་ཟིན།། ལོང་བ་མིག་ཕྱེད་གསལ་པོ་འདྲ།། དཔེར་ན་ནམ་མཁའི་ཉི་མ་བཞིན།། མ་རིག་མུན་པ་འཇོམས་པའི་ཐབས།། བལྟ་བ་གཞི་ངེས་དོན་ཉིད་ལ།། མ་ནོར་རིག་པ་གཅིག་ཡིན་ཏེ།། འབྲས་བུ
iiif viewer powered by OpenSeadragon
