| e-texts navigator |
| Wylie |
290b1 གསུངས།། དེ་ཕྱིར་གཞི་ལ་འཕོ་འགྱུར་མེད།། དེ་ཡང་རྡོ་རྗེ་སེམས་དཔའ་ཉོན།། རང་བྱུང་ལྷུན་གྱིས་གྲུབ་པའི་ཕྱིར།། སངས་རྒྱས་ཉག་གཅིག་ཆོས་ཀྱི་སྐུ།། འདི་ནི་འཁོར་འདས་གཉིས་ཀྱི་རྒྱུ།། མ་རྟོགས་དུས་ན
290b2 འཁོར་བ་ལས།། རྟོགས་ན་མྱ་ངན་འདས་ཞེས་བྱ།། གཞི་ལ་སངས་རྒྱས་སེམས་ཅན་མེད།། དེ་ཕྱིར་གཉིས་མེད་གཅིག་གི་ངང་།། ཐམས་ཅད་དེ་ཡི་ངོ་བོར་གནས།། དེ་ཡང་འདུས་པའི་སྙིང་པོ་ཉོན།། འཁོར་འདས
290b3 གཉིས་པས་གཞི་སྔའི་ཕྱིར།། བློ་ཡིས་མ་བཅོས་འཁོར་འདས་མེད།། བག་ཆགས་མ་བརྟས་འབྱུང་བ་མེད།། གང་ཡང་མེད་ཕྱིར་ཀུན་གྱི་རྒྱུ།། རང་བྱུང་རྟོགས་པའི་བཅོམ་ལྡན་འདས།། ས་རྣམས་མ་བསྐྱོད་ངང་གིས
290b4 རྫོགས།། ལམ་ལ་མི་བརྟེན་ལམ་དང་བྲལ།། མེད་པ་མ་ཡིན་ཡེ་ཤེས་ཉིད།། རྫོགས་ཆེན་མཉམ་ཉིད་ཀུན་ཏུ་ཁྱབ།། ཆོས་རྣམས་ཀུན་གྱི་ཆོས་ཆེན་པོ།། ཐམས་ཅད་ངོ་བོར་ལྷུན་གྱིས་གྲུབ།། དེས་བསྐྱེད་ཆོས
290b5 རྣམས་ཐམས་ཅད་འབྱུང་།། འཁྲུལ་བྲལ་རྟོག་མེད་གཞི་དང་མཐུན།། དེ་ཕྱིར་ལུང་ལྡན་རྐྱེན་གྱིས་ནི།། བློ་དངོས་གཅིག་པའི་དགོངས་པ་ལ།། གཞི་ཤེས་པ་ལ་རྟོགས་ཞེས་བྱ།། དེ་ཡང་འདུས་པའི་སྙིང་པོ་ཉོན།། ཆོས
290b6 ཀྱི་རྒྱལ་པོ་རབ་སྔགས་ཕྱིར།། འཁོར་འདས་འབྱུང་བ་ཐམས་ཅད་ཀྱང་།། རྩོལ་བ་མེད་པར་ཤུགས་ལས་འབྱུང་།། དེ་ཕྱིར་ཀུན་གྱི་གཞི་འགྱུར་ཞེས།། ཀུན་བཟང་ཉིད་ཀྱི་གསུངས་པ་ཡིན།། རྫོགས་པ་ཆེན་པོ་ངེས་དོན
iiif viewer powered by OpenSeadragon
