| e-texts navigator |
| Wylie |
28a1 རྫོགས།། རང་རང་ཕྱག་མཚན་ཐུགས་ལ་གབ།། དབྱེར་མེད་རྡོ་རྗེ་སྐྱིལ་ཀྲུང་བཞུགས།། ཡེ་ཤེས་ལྔ་ཡི་སྦུབས་ན་གསལ།། རང་རང་སོ་སོར་ཆོས་ཉིད་ཆེན་པོ་ལས།། ལྔ་པོ་སོ་སོའི་སྦུབས་ན
28a2 གནས།། རེ་རེ་ལ་ཡང་བཞི་བཞིས་བསྐོར།། ཡེ་ཤེས་ལྔ་རྫོགས་རྩལ་གྱི་མཚན་ཉིད་འཛིན།། གཉིས་མེད་ཡུལ་ལྔ་ལུས་དང་གྲིབ་མ་བཞིན།། ཐབས་དང་ཤེས་རབ་གཉིས་མེད་ཞལ་སྦྱོར་གནས།། རྣམ་སྣང་ཞལ
28a3 གཟིགས་དགོངས་པ་གཟིགས་མཁྱེན་ཡང་།། རྣམ་སྣང་རང་ལས་གཞན་སྣང་མེད།། རང་བྱུང་རང་སྣང་རང་ཤར་རང་གི་མཁྱེན།། རང་རྩལ་རྩེ་གཅིག་འབྱེད་པ་མེད།། ཅེས་གསུངས་སོ།། སྤྲོས་བྲལ་དོན་གསལ་ཆེན
28a4 པོའི་རྒྱུད་ལས།། ཤེས་རབ་ཀྱིས་གདུལ་བྱ་ལ་སྐུ་ཕྱག་རྒྱར་གསལ་ལུགས་དང་གདུལ་བྱའི་སྐུར་རྫོགས་ཤིང་མཁྱེན་པར་ཤར་བ་བསྟན་པའི་ལེའུ་སྟེ་ཉེར་དྲུག་པའོ།། །། དེ་ནས་ཡང་གསང་བའི་བདག་པོས་ཞུས
28a5 པ། ཀྱེ་ཀྱེ་བཅོམ་ལྡན་རྡོ་རྗེ་འཆང་ཆེན་པོ།། གནས་དང་གདན་རྣམས་གསུང་དུ་གསོལ།། ཞེས་ཞུས་སོ།། སྟོན་པས་བཀའ་སྩལ་པ། གནས་མེད་གནས་ཆེན་ཆོས་ཉིད་རྣམ་དག་ན། མ་བྲིས་དཀྱིལ་འཁོར་འགགས
28a6 མེད་འོད་དུ་གསལ།། ཡང་དག་གསང་བའི་དཀྱིལ་འཁོར་མཆོག། བཞུགས་གནས་ཆེན་པོར་དེར་བཤད་དོ།། དེར་བཞུགས་གདན་གྱི་ཁྱད་པར་གྱིས།། རྟགས་དང་ཁྱད་པར་ཆོས་ཀྱི་གདན།། རྟགས་ལ་རྣམ་པ་ལྔར
iiif viewer powered by OpenSeadragon
