| e-texts navigator |
| Wylie |
289b1 ཟེར་བ་དེ།། ར་གན་གསེར་དུ་བྱེད་པ་འདྲ།། དེ་བས་ལུང་ལྡན་དོན་རྙེད་ནས།། རང་བྱུང་སྙིང་པོའི་དོན་རྟོགས་ནས།། རང་རིག་སངས་ནས་རང་སེམས་བརླག། དེ་ཕྱིར་ཆོས་སྐུ་འགྱུར་བ་མེད།། རྫོགས་པ་ཆེན་པོ་ངེས
289b2 དོན་འདུས་པ་ལས། རང་སེམས་ངེས་དོན་མིན་པར་བསྟན་པའི་ལེའུ་སྟེ་སོ་གསུམ་པའོ།། །། དེ་ནས་འདུས་པའི་དོན་ཆེད་དུ།། རྡོ་རྗེ་སེམས་དཔས་དོན་ཞུས་པ།། སྣང་བ་ཆོས་དབྱིངས་བལྟ་བ་གང་།། དོན་གྱི
289b3 འགྱུར་མེད་གནས་ལུགས་ཅི།། མཐའ་འབྲལ་གཞི་ངེས་བཤད་དུ་གསོལ།། དེ་སྐད་ཞུས་པའི་དོན་གསན་ནས།། ཀུན་རིག་སྟོན་པས་བཀའ་སྩལ་པ།། རང་བྱུང་ཆོས་སྐུ་གཅིག་གཅིག་ལ།། ཡོན་ཏན་ཐམས་ཅད་འབྱུང
289b4 བ་ནི།། དཔེར་ན་ནོར་བུ་རིན་ཆེན་ལྟར།། དེ་ནི་ལྷུན་གྲུབ་ཀུན་གྱི་གཞི།། ད་ཡང་རྡོ་རྗེ་སེམས་དཔའ་ཉོན།། འཁོར་བའི་རྒྱུ་ནི་ཞེན་རྟོག་སྟེ།། ལུང་ལྡན་གྲུབ་མཐས་བློ་མ་བསྐུར།། དབང་པོ་ཡུལ་ལ་རྟག་ཏུ
289b5 ཡེངས།། ཆོས་བརྒྱད་གཟུང་འཛིན་དམ་པར་ཞེན།། ཆུ་བོ་བཞི་ཡིས་མི་འཇིགས་བཞིན།། འཁོར་བར་འཁྱམ་པའི་གཏན་གཞི་ཡིན།། དེ་ཡང་རྡོ་རྗེ་སེམས་དཔའ་ཉོན།། ཕྲ་རགས་ཡུལ་ནི་གཉེན་པོས་སྤོང་།། རིས་སུ
289b6 འཛིན་ཅིང་དབྱེ་བ་སྤོང་།། ཡོད་མེད་འཆལ་པས་རྒྱུ་འབྲས་སྤོང་།། བློ་ཡིས་གཞི་ཉིད་འཆོས་པའི་ཕྱིར།། ཉན་ཐོས་རང་རྒྱལ་གོལ་བར་བཤད།། དེ་ཡང་འདུས་པའི་སྙིང་པོ་ཉོན།། ཆོས་རྣམས་སེམས་སུ་བསྡུ་བའི
iiif viewer powered by OpenSeadragon
