| e-texts navigator |
| Wylie |
283a1 བ་རྣམ་དྲུག་གིས།། རང་གི་མཚན་ཉིད་དེ་ཡིན་པས།། དེ་ཉིད་ལུས་མེད་ཆོས་ཀྱི་སྐུ།། ཕྱི་ནང་མེད་པ་རྣམ་དག་དབྱིངས།། ཉི་མ་ཤར་ནས་མུན་མེད་གསལ།། རང་བྱུང་ངོ་བོ་རིག་པར་ཤར།། དེ་ཙམ་ཉིད
283a2 ནས་ད་ལྟའི་ཐུགས།། གསང་བ་དམ་པ་ལྟ་བའི་མཆོག། དེ་ཡང་འདུས་པའི་སྙིང་པོ་ཉོན།། རང་བྱུང་རིག་པའི་ལྟ་བ་ལ།། དེ་ལ་མ་ནོར་ངེས་ཤེས་ཏེ།། སྐྱེས་ཀྱང་དམ་པར་མི་འཛིན་ཕྱིར།། འདི་མཉམ་འཛིན་རྟོག་མེད
283a3 པར་གསལ།། ཡང་དག་བློ་ལ་གོལ་ས་མེད།། དེ་ཕྱིར་དངོས་མེད་འཛིན་བྲལ་གྱིས།། ཡང་དག་ལྟ་བའི་དགོངས་པ་འདི།། མ་ནོར་ལུང་དང་མཐུན་གྱུར་ན།། ཀུན་བཟང་ང་དང་ལྟ་བ་མཐུན།། དེ་ཡང་རྡོ་རྗེ་སེམས
283a4 དཔའ་ཉོན།། གཞི་ངེས་པ་དང་མ་ངེས་པ།། གར་མཁན་ལག་པ་ཇི་བཞིན་དུ།། སྣ་ཚོགས་སྣང་ཡང་གཟུང་དུ་མེད།། དེ་ཙམ་ཉིད་ནས་གཞི་མི་འགྱུར།། དེ་དོན་མ་ནོར་རྟོགས་པ་ན།། རང་གི་མཚན་ཉིད་རྟོགས་པ
283a5 ན།། རང་གི་མཚན་ཉིད་འགྱུར་བ་མེད།། ཇི་སྐད་བཏགས་ཀྱང་དོན་དང་མཐུན།། རང་བྱུང་ངེས་པའི་ལྟ་བ་ཡིན།། རྫོགས་པ་ཆེན་པོ་ངེས་དོན་འདུས་པ་ལས། ལྟ་བ་ངེས་པ་མདོར་བསྡུ་བ་བསྟན་པའི་ལེའུ་སྟེ་ཉི་ཤུ་རྩ
283a6 གཉིས་པའོ།། །། དེ་ནས་འདུས་པའི་འཁོར་རྣམས་ལ། ཀུན་རིག་སྟོན་པས་ཡང་གསུངས་པ།། རང་རིག་ཡེ་ཤེས་གསལ་བ་ཡི།། དོན་དང་མི་འབྲལ་ཏིང་འཛིན་ནི།། གསལ་ལ་མི་རྟོག་མི་གཡོ་བ།། ངོ་བོ་ལ
iiif viewer powered by OpenSeadragon
