| e-texts navigator |
| Wylie |
282b1 སངས་རྒྱ།། འདས་པའི་སངས་རྒྱས་ཀུན་གྱིས་ཀྱང་།། ད་ཡོད་ཕྱིར་ན་ཐོག་མ་ཡོད།། སྐྱེ་བ་མི་ལེན་ཐ་མ་བྱུང་།། ད་ལྟར་མ་བྱོན་སེམས་དཔའ་ཡིས།། ཐོག་མཐའ་མཆོད་རྩོལ་བར་བྱེད།། དེ་ཕྱིར་རང་སེམས་རྟོགས
282b2 པར་དཀའ།། སེམས་ཅན་ཀུན་ལ་སྨོས་ཅི་དགོས།། དེ་ཡང་འདུས་པའི་སྙིང་པོ་ཉོན།། དེ་ཕྱིར་ངེས་པའི་ལུང་བསྟན་གྱིས།། འཁྲུལ་པ་ལྡོག་ཐབས་ཤེས་པ་དེས།། ངེས་དོན་ཚིག་གི་གདམས་ངག་ནི།། བསྟན་པས་དོན
282b3 རྟོགས་སྐད་ཅིག་མར།། སངས་རྒྱས་ཀུན་དང་དགོངས་པ་མཉམ།། ཐོག་མཐའ་ཆོད་ཕྱིར་ཐམས་ཅད་མཁྱེན།། དེ་ཕྱིར་ངེས་པའི་རྒྱུད་དོན་འདི།། རྟོགས་པས་ཆོག་ཕྱིར་ཡ་མཚན་ཅན།། དེས་ན་ཚེགས་མེད་དོན་ཆེན
282b4 པོ།། ཆོས་རྣམས་ཀུན་གྱི་མཆོག་ཏུ་བཤད།། རྫོགས་པ་ཆེན་པོ་ངེས་དོན་འདུས་པ་ལས། རྟོགས་མ་རྟོགས་ཀྱི་ཁྱད་པར་སྐབས་དབྱེ་བ་བསྟན་པའི་ལེའུ་སྟེ་ཉི་ཤུ་རྩ་གཅིག་པའོ།། །། དེ་ནས་ཀུན་རིག་རྒྱལ་པོ
282b5 ལ།། རྡོ་རྗེ་སེམས་དཔས་དོན་ཞུས་པ།། ལྷ་སྒོམ་སྤྱོད་པ་འབྲས་བུ་ཡི།། རྩ་བའི་མདོ་ནི་ཇི་ལྟར་བསྡུ།། ཀུན་རིག་སྟོན་པས་བཤད་དུ་གསོལ།། དེ་སྐད་ཞུས་པའི་དོན་གསན་ནས།། འདུས་པའི་འཁོར་ལ་བཀའ་སྩལ
282b6 པ།། དངོས་མེད་རིག་པའི་ལྟ་བ་ནི།། རང་བྱུང་སྐུ་ཉིད་རྒྱུ་ཡིན་ཕྱིར།། ལྟ་བའི་ནང་ནས་དམ་པའི་མཆོག། དེ་ཕྱིར་དོན་ལ་རིག་པར་བལྟ།། དེ་ཡང་རྡོ་རྗེ་སེམས་དཔའ་ཉོན།། ཤེས་པ་རང་གསལ་ལྟ་བ་ནི།། ངོ་བོ་དབྱེ
iiif viewer powered by OpenSeadragon
