| e-texts navigator |
| Wylie |
282a1 པ་ཐོབ།། འཁོར་ན་གནས་པའི་དད་ཉན་ཀྱང་།། མོས་པའི་ལྟ་བ་གོམས་པར་བྱེད།། ཤེས་རབ་དམན་པའི་རྣལ་འབྱོར་པ།། གནས་དང་མི་གཡོ་ལྷུན་གྲུབ་འདོད།། དེ་ཕྱིར་རང་སེམས་རྟོགས་པར
282a2 དཀའ།། རྫོགས་པ་ཆེན་པོ་ངེས་དོན་འདུས་པ་ལས། བསྒོམ་དུ་ཡོད་མེད་སྐབས་བསྟན་པའི་ལེའུ་སྟེ་ཉི་ཤུ་པའོ།། །། དེ་ནས་འདུས་པའི་ཚོགས་རྣམས་ལ།། ཀུན་རིག་རྒྱལ་པོས་བཀའ་སྩལ་པ།། ཡེ་ནས་ཡོད
282a3 པའི་ཆོས་ཀྱི་སྐུ།། རྟོགས་མ་རྟོགས་ཀྱི་ཁྱད་དབྱེ་བ།། ལེགས་པར་ཉོན་ལ་ཡིད་ཀྱིས་ཟུང་།། རང་སེམས་མ་རྟོགས་སེམས་ཅན་གྱིས།། འཁོར་བ་གང་ནས་གང་དུ་འཁྲུལ།། ཅེས་འཁྲུལ་ལྡོག་ཐབས་མ་ཤེས་པས།། ཡོད
282a4 མེད་གཟུང་འཛིན་བླ་དགས་ལ།། འཁྲུལ་པ་རྣམས་ནི་དམ་པར་འཛིན།། འཁོར་འདས་ཆོས་ལ་བརྟགས་པས་ལན།། དེ་ཡང་འདུས་པའི་སྙིང་པོ་ཉོན།། གང་ལའང་རྟོག་པ་མ་ཤེས་ཕྱིར།། ལོག་ལྟ་གང་ཞིག་ནོར་བའི
282a5 ལམ།། གཉིས་མེད་དོན་ལ་མ་རེག་འཁྲུལ།། དེ་ཕྱིར་གཉིས་མེད་མ་རྟོགས་ནས།། ལུས་ངག་སྩོལ་བ་སྡུག་བསྔལ་སྣོན།། དེ་ཕྱིར་ངེས་དོན་ལུང་མེད་ན།། ཐེག་དགུ་ཤེས་ཀྱང་གྲོལ་མི་སྲིད།། དེ་ཡང་རྡོ་རྗེ་སེམས་དཔའ
282a6 ཉོན།། ཡེ་ནས་ཡོད་པའི་ཆོས་ཉིད་ལ།། ལུང་ལྡན་ངེས་པའི་དོན་ཕྲད་ན།། རྟོགས་དུས་ད་ལྟའི་ཚེ་འདི་ལ།། རང་སེམས་སྙིང་པོ་རྟོགས་པར་གྱིས།། ཀུན་བཟང་ངང་ལ་ཐོག་མཐའ་མེད།། དུས་གཅིག་ཆོད་ཕྱིར་མངོན
iiif viewer powered by OpenSeadragon
