| e-texts navigator |
| Wylie |
281b1 རྗེ་སེམས་དཔའ་ཉོན།། སངས་རྒྱས་དགོད་པ་ཇི་ལྟ་བ།། སེམས་ཅན་བློ་ཡིས་རྟོགས་པའི་ཐབས།། དཔེས་མི་མཚོན་ཕྱིར་མ་བཤད་པར།། གདམས་ངག་བསྟན་པ་ཙམ་གྱིས་ནི།། མ་བསྒོམས་ད་ལྟ་ཉིད་དུ་ཡང་།། ངེས
281b2 དོན་རྟོགས་ཕྱིར་བསྒོམ་མེད་དོན།། མ་བསྒོམས་འབྲལ་མེད་སངས་རྒྱས་ཐུགས། ཀུན་བཟང་ཐུགས་དང་མཉམ་པར་ནི།། བདེ་བའི་འཁོར་ལོའི་རྒྱུད་ཆེན་དུ།། བསྒོམ་དུ་མེད་པར་ངས་བཤད་ཀྱིས།། དེ་ཡང་རྡོ་རྗེ
281b3 སེམས་དཔའ་ཉོན།། དེ་དོན་གདམས་ངག་སྐལ་མེད་ལ།། ཞི་གནས་བློ་ནི་མ་ཡེངས་པ།། བསྒོམ་དུ་ཡོད་པ་གནས་པའི་ཐབས།། འཁོར་ལ་བསྟན་གྱིས་ཡིད་ཀྱིས་ཉོན།། བསྒོམ་དུ་མེད་ལ་སུ་སྐྲག་པ།། མཚན་ཉིད
281b4 དབང་གསུམ་རིམ་གྱིས་བསྟན།། དེ་དོན་ཉམས་སུ་མྱོང་བ་ལ།། ཡིད་ཆེས་གདེང་དང་ལྡན་པར་འབྱུང་།། དེ་ཕྱིར་རང་སེམས་དགོན་པ་བརྟེན།། དེ་གནས་ཤེས་རབ་ཤིན་ཏུ་འཕེལ།། ཉམས་ནི་ཕྱི་ནང་རིམ་གྱིས
281b5 འབྱུང་།། དེ་བྱུང་དགའ་བྲོད་སེམས་མི་བྱ།། ད་ཡང་རྡོ་རྗེ་སེམས་དཔའ་ཉོན།། རྣམ་གྲངས་མཚོན་པའི་ཚིག་རྣམས་ལས།། བཟློག་སྟེ་བརྗོད་མེད་རང་ལ་བཞག། ཐ་མལ་རྗེས་སུ་མ་འབྲངས་པ།། བསྒོམ་དུ་ཡོད་པའི
281b6 མཆོག་ཏུ་བཤད།། དེ་ཕྱིར་མ་ཡེངས་བསྒོམ་པ་ནི།། ཉིད་ལས་མི་གཞན་འཁོར་རྣམས་ཀྱང་།། དོན་གྱི་སྒོ་ནས་ཤེས་པར་གནང་།། རིག་འཛིན་སེམས་དཔའ་རྣམས་ཀྱང་ནི།། ཏིང་འཛིན་གོམས་པས་བརྟན
iiif viewer powered by OpenSeadragon
