| e-texts navigator |
| Wylie |
27b1 གཟུགས་སྐུ་གཉིས་འབྱུང་བར་བསྟན་པ་དང་། ཆོས་སྐུ་ཉིད་ལ་རིག་པར་རང་སྣང་ལས་སྐུ་གཉིས་མེད་པར་བསྟན་པའི་ལེའུ་སྟེ་ཉེར་ལྔ་པའོ།། །། དེ་ནས་ཡང་གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན
27b2 རྡོ་རྗེ་འཆང་།། གདུལ་བྱ་ཞེས་ནི་གང་ལ་བགྱི།། སྐ་རུ་སྣང་ཚུལ་ཇི་ལྟར་སྣང་།། ཞེས་ཞུས་པས། སྟོན་པས་གསུངས་པ། གསང་བའི་བདག་པོ་ལེགས་པར་ཟུང་ཞིག། རྣམ་དག་སྟུག་པོ་བཀོད་པ་ཡི།། ཆོས་ཉིད་ཆོས
27b3 སྐུར་དབྱེར་མེད་ཀློང་།། ཡེ་ཤེས་རང་གདངས་བུམ་པ་ལྔ།། མ་འགགས་པ་ཡི་མྱུ་གུ་སྣང་།། ཆོས་ཉིད་དག་པའི་སྣང་ཆ་ལྔ།། མཐིངས་ག་དཀར་སེར་དམར་དང་ལྡང་།། མ་འདྲེས་གསལ་བའི་ཡེ་ཤེས་རྫོགས།། དེ་ལྔའི
27b4 ནང་ནས་སྐུ་ལྔ་གྲུབ།། ཕྱོགས་བཞི་དབུས་དང་ལྔར་གནས་ཏེ།། དབུས་ནི་ཀུན་སྣང་ཡེ་ཤེས་ལ།། བཞི་པོ་རྣམ་སྣང་ཀུན་ཏུ་ཞལ།། མི་བསྐྱོད་རིན་འབྱུང་ཆེན་པོ་དང་།། འོད་དཔག་མེད་དང་དོན་གྲུབ་ཆེན་པོར
27b5 སྣང་།། ཕྱག་མཚན་རང་གི་ཐུགས་ལ་གནས།། ཁ་དོག་ལྔ་ཡི་བདག་ཉིད་འཛིན།། གདན་གསུམ་ངང་ལ་ཡོངས་སུ་རྫོགས།། གདུལ་བྱ་རིགས་བཞིའི་སངས་རྒྱས་ཏེ།། དག་གཙང་གསལ་བའི་མེ་ལོང་ལ།། བྱད་ཀྱི
27b6 རྣམ་པ་ཤར་བ་ལྟར།། མཚན་རྫོགས་རྡོ་རྗེ་འཆང་གིས་ནི།། ཆོས་ཉིད་དག་པའི་སྣང་བ་ལ།། མི་བསྐྱོད་རྡོ་རྗེ་རིན་ཆེན་འབྱུང་ལྡན་དང་།། སྣང་བ་མཐའ་ཡས་དོན་གྲུབ་ཤར།། གདན་གསུམ་ངང་ལ་ལྷུན་གྱིས
iiif viewer powered by OpenSeadragon
