| e-texts navigator |
| Wylie |
279b1 ཉོན།། དེས་བསྐྱེད་ཤེས་པ་མངལ་དུ་འཇུག། ངར་འཛིན་ཆགས་སྡང་ཕྲ་མོ་སྐྱེ།། ནང་གི་བཟུང་བ་ཀུན་ཏུ་བརྟས།། དེ་ཕྱིར་དམིགས་པའི་རྐྱེན་ཞེས་བྱ།། ཁོང་ནས་ཕྱུང་ནས་ཕྱི་རོལ་གྱི།། བག་ཆགས་ཡུལ་གྱི་སྣང་བ
279b2 ལ།། རང་གི་ཡིད་ཀྱི་ངན་རྟོག་ཞུགས།། ཡུལ་ལ་ཆོས་བརྒྱད་ཀུན་ཏུ་བརྟགས།། ང་བདག་ངན་རྟོག་འཛིན་བལྟས་ཞེ་ན།། མངོན་རྒྱུ་ཆགས་སྡང་ཁ་ཚང་ཕྱིར།། དམིགས་པ་བདག་པོའི་རྐྱེན་གཉིས་ཚང་།། ཀུན་བརྟགས
279b3 མ་རིག་པ་ཞེས་བྱ།། དེ་ཡང་འདུས་པའི་སྙིང་པོ་ཉོན།། ལྷན་ཅིག་ཀུན་བརྟགས་གཉིས་འཛོམ་པས།། ཀུན་གཞིའི་རྣམ་པར་ཤེས་པ་ཡིན།། དེས་བསྐྱེད་ཚོགས་བརྒྱད་ཁ་ཚང་བས།། འཁོར་བར་འཁྱམས་ཞེས་དེ་ལ
279b4 བྱ།། དེ་ཡང་འདུས་པའི་སྙིང་པོ་ཉོན།། སངས་རྒྱས་ཀུན་གྱི་ཡེ་ཤེས་ནི།། རང་སེམས་ངོ་བོ་རྟོགས་ལས་བྱུང་།། ཡང་ན་རང་བྱུང་ཀུན་གྱི་གཞི།། ཤེས་ནས་ལུང་ལྡན་ངེས་པའི་དོན།། ཟུང་དུ་འཛོམ་ཕྱིར་ཡེ་ཤེས
279b5 ཡིན།། སྨན་དང་སྨན་པ་འཇོམས་པ་འདྲ།། རྫོགས་པ་ཆེན་པོ་ངེས་དོན་འདུས་པ་ལས། མ་རིག་པ་དང་ཡེ་ཤེས་དབྱེ་བ་བསྟན་པའི་ལེའུ་སྟེ་བཅུ་བདུན་པའོ།། །། དེ་ནས་ཀུན་རིག་རྒྱལ་པོ་ཡིས།། ཡུལ་སེམས
279b6 དབྱེ་བ་བཀའ་སྩལ་པ།། སྣང་ཞིང་སྲིད་པའི་ཆོས་རྣམས་ཀུན།། འཁྲུལ་སེམས་བག་ཆགས་བརྟས་པའི་ཕྱིར།། སྣང་བ་ཞེན་པ་སྣ་ཚོགས་པ།། ངོ་བོ་ཡུལ་དུ་གྲུབ་པ་མེད།། དེ་ཕྱིར་སྣང་བ་ལོག་འཁྲུལ་ཡིན།། དེ་ཡང
iiif viewer powered by OpenSeadragon
