| e-texts navigator |
| Wylie |
278a1 ཟག་ཀུན་གྱིས་དངོས་པོར་བཟུང་།། དེ་ཕྱིར་ལམ་གྱི་གེགས་སུ་གསུངས།། ད་ཡང་རྡོ་རྗེ་སེམས་དཔའ་ཉོན།། དཔེར་ན་སྐྱེས་བུ་མི་རྣམས་ཀྱིས།། སྔགས་མེད་པ་ཡི་དུག་ཟོས་ན།། ཨ་ཤུ་ཀ་ཡི་རྐྱེན་ཡིན།
278a2 ཕྱིར།། ཆེ་ཆུང་གང་ཟོས་གཉིས་ཀ་འཆི།། ངེས་པའི་ལུང་ལྡན་དོན་མེད་ཕྱིར།། ཐབས་ནི་ཆེ་ཆུང་གཉིས་ཀས་བསྒྲིབས།། རྩོལ་བ་བྱས་པས་ཐམས་ཅད་གོལ།། དེ་ཕྱིར་རང་རིག་ཆོས་སྐུ་ནི།། སེམས་ཀྱི་གཟིབ་ན་ངོས
278a3 ཟིན་ན།། ཐབས་ནི་གང་ལའང་བརྟེན་པ་མེད།། དེ་ཕྱིར་མན་ངག་སྙིང་པོའི་ཆོས།། དེ་ཡང་འདུས་པའི་སྙིང་པོ་ཉོན།། ཁྱེད་ཅག་ཐེག་པ་འོག་མ་པ།། མཚན་མ་དངོས་སུ་སྤྱད་སྒོ་ནས།། འབྲས་བུ་ཐམས་ཅད་མཁྱེན་པ
278a4 ཡི།། ཡེ་ཤེས་ཐོབ་པར་འདོད་པ་ནི།། ཤིན་ཏུ་གཏི་མུག་སྨད་པའི་གནས།། ཀུན་བརྟགས་བསྒོམ་པའི་ཆོས་པ་ཀུན།། ལམ་གྱི་གེགས་ནི་ཐབས་ཡིན་ཕྱིར།། གོལ་ས་ཡིན་པར་ཀུན་ནས་བཤད།། དེ་ཕྱིར་ཐབས་ལ
278a5 བརྟེན་མི་དགོས།། དེ་ཡང་འདུས་པའི་སྙིང་པོ་ཉོན།། སངས་རྒྱས་ཉིད་དུ་འགྲོ་བ་ཡི།། ངེས་པའི་ལམ་ནི་གང་ཡིན་ཕྱིར།། ཐོག་མར་བལྟ་བའི་གདེངས་དང་ནི།། ཏིང་འཛིན་སྤྱོད་ལམ་དུས་གཅིག་ཏུ།། རང་བྱུང་སྙིང
278a6 པོའི་དོན་རྟོགས་ཕྱིར།། བརྗོད་པའི་ཐ་སྙད་ཀུན་དང་བྲལ།། ཐིག་ལེ་ཉག་གཅིག་ཆོས་ཀྱི་སྐུ།། ཤེས་དང་སངས་རྒྱས་དུས་མཉམ་ཕྱིར།། དེ་ལས་ལྷག་པས་ཆོས་གཞན་མེད།། དེ་ཡང་རྡོ་རྗེ་སེམས་དཔའ་ཉོན།། ཁྱེད
iiif viewer powered by OpenSeadragon
