| e-texts navigator |
| Wylie |
277a1 ལས་ནི་ཐར་གྱུར་ནས།། མྱ་ངན་འདས་པའི་མཐའ་རུ་བལྟ།། ལམ་དེའི་འབྲས་བུས་སངས་མི་རྒྱ།། དེ་བས་འབྲས་བུ་བླ་མེད་པའི།། བྱང་ཆུབ་ཐོབ་པར་བྱ་བ་ལ།། ཆུ་ནི་ས་དང་ཕ་རོལ་ཕྱིན།། ལམ་ལ
277a2 རིམ་གྱིས་བགྲོད་གྱུར་ན།། གཞན་དོན་འབྲས་བུ་ཕུན་སུམ་ཚོགས།། གཟུགས་སྐུ་རྣམ་གཉིས་འཐོབ་པར་འགྱུར།། ཤེས་རབ་མི་རྟོག་རྩེ་གཅིག་ཏུ།། མ་ཡེངས་དོན་ལ་བསྒོམ་གྱུར་ན།། བདག་དོན་ཆོས་སྐུ་འགྲུབ་པར
277a3 གྱུར།། དེ་ཡང་འདུས་པའི་སྙིང་པོ་ཉོན།། འབྲས་བུ་བདག་དང་གཞན་དོན་གྱིས།། ཕུན་སུམ་ཚོགས་པ་ཐོབ་པ་ནི།། འདི་ལས་ཐབས་ཆེན་ངེས་པའི་ལམ།། ཆོས་ནི་གཞན་ལ་ཡོད་དོ་ཟེར།། དེ་དག་དབྱེ་བའི་ཚོགས
277a4 བསགས་ཐབས།། སྙིང་རྗེ་ཆེན་པོ་ས་གཞིར་བཟུང་ནས།། ཐེག་པ་གཞན་དུ་ཞི་བ་བསྟན་ཕྱིར།། ངེས་དོན་སྐབས་སུ་ངས་མ་བཤད།། དེ་ཡང་རྡོ་རྗེ་སེམས་དཔའ་ཉོན།། གསང་སྔགས་ཕྱི་ནང་འདོད་པའི་གཞུང་།། ལམ
277a5 དང་འབྲས་བུའི་ཁྱད་པར་ནི།། ཐབས་དང་ཤེས་རབ་ཟུང་འབྲེལ་ནས།། བདེ་བའི་ཡོན་ཏན་རྙེད་པར་འགྱུར།། འབྲས་བུ་ཐམས་ཅད་མཁྱེན་པ་ཡི།། ཡེ་ཤེས་ཐོབ་པར་བྱ་བ་ལ།། ཐབས་དང་ཤེས་རབ་འཛོམ་པ
277a6 དགོས།། དེ་ཕྱིར་ཐབས་ནི་གང་ཞེ་ན།། ཕུང་པོ་ཁམས་དང་སྐྱེ་མཆེད་ཀུན།། ལྷ་དང་ལྷ་མོར་གནས་འགྱུར་བར།། རིམ་གྱིས་བསྐྱེད་དམ་མ་བསྐྱེད་རྫོགས།། ཆོ་ག་གསུམ་མམ་བདུན་གྱིས་ནི།། བསྐྱེད་ཅིང་བསྒྱུར་བྱས
iiif viewer powered by OpenSeadragon
