| e-texts navigator |
| Wylie |
274b1 པ་ཡིས།། རང་བྱུང་ངང་ལ་ཤུགས་ཀྱིས་འབྱུང་།། དེ་ཡང་རྡོ་རྗེ་སེམས་དཔའ་ཉོན།། ཕུང་པོའི་དབྱེ་བ་འདུས་ལུགས་ཀྱང་།། ཐུན་མོང་ཐེག་པར་སྒོ་བསྟུན་ཕྱིར།། ཀུན་དང་མི་མཐུན་བསྟན་པ་ཡང་།། དྲང་དོན་ཡིན་ཕྱིར
274b2 ཡང་དག་མིན།། ཡང་དག་ངེས་དོན་ཡང་ཏི་ནི།། དཔེར་ན་ཤིང་ཐོག་སྨིན་པ་ལ།། འབྲས་བུ་ཤུགས་ཀྱིས་འབྱུང་བ་ལྟར།། ཆོས་སྐུ་སྒྲིབ་པ་མེད་པ་ལ།། སྐུ་གསུམ་ཡེ་ཤེས་ལྔ་རྣམས་ཀྱང་།། མ་བཙལ་རང་བཞིན་ལྷུན
274b3 གྱིས་རྫོགས།། རིགས་ལྔའི་སངས་རྒྱས་དོན་གྱི་ཚང་།། ཐམས་ཅད་མཁྱེན་པའི་ཡེ་ཤེས་ཀུན།། མ་ལུས་ཐོགས་པ་མེད་པར་མཁྱེན།། རྫོགས་པ་ཆེན་པོ་ངེས་དོན་འདུས་པ་ལས་ཐབས་ལ་མ་བརྟེན་པར་ཡོན
274b4 ཏན་ཐམས་ཅད་རང་ལ་རྫོགས་པར་བསྟན་པའི་ལེའུ་སྟེ་བཅུ་གཉིས་པའོ།། །། དེ་ནས་འདུས་པའི་འཁོར་རྣམས་ཀྱིས།། ཀུན་རིག་སེམས་ཀྱི་རྒྱལ་པོ་ལ།། ཐེག་པ་གཞན་དང་སྒོ་བསྟུན་ཕྱིར།། ཕུང་པོ་རྒྱུ་འབྲས
274b5 དོན་ཞུས་པ།། ཕུང་པོ་རྣམ་པ་ལྔ་པོ་དེ།། ཡང་དག་ཡོད་དང་བྱིན་རླབས་སུ།། རྟག་ཆད་བྲལ་དང་ངོ་བོ་གནས།། ཀུན་རིག་སྟོན་པས་བཤད་དུ་གསོལ།། དེ་སྐད་ཞུས་པའི་དོན་གསན་ནས།། འདུས་པའི་འཁོར་ལ
274b6 བཀའ་སྩལ་པ།། རྣམ་ཤེས་ཕུང་པོ་ཡང་དག་ཡོད།། ཕུང་པོ་བཞི་ནི་བྱིན་རླབས་བྱུང་།། རྟག་ཆད་བྲལ་བའི་རྣམ་ཤེས་ནི།། ཀུན་གཞི་རང་གིས་ངོ་བོ་ཡིན།། རྟག་ཆད་ངོ་བོར་གནས་པ་ནི།། ཕུང་པོ་གཞན་དང་ཚོགས
iiif viewer powered by OpenSeadragon
