| e-texts navigator |
| Wylie |
274a1 མ་རིག་རྨོངས་པ་ཀུན།། གནས་འགྱུར་སངས་རྒྱས་འདོད་པས་ཕུང་།། གཏན་དུ་འཁྱམས་པ་སྙིང་རེ་རྗེ།། རྫོགས་པ་ཆེན་པོ་ངེས་དོན་འདུས་པ་ལས། གསང་སྔགས་ཕྱི་ནང་གི་འདོད་གཞུང་སུན་འདོན
274a2 པ་བསྟན་པའི་ལེའུ་སྟེ་བཅུ་གཅིག་པའོ།། །། དེ་ནས་འདུས་པའི་འཁོར་རྣམས་ལ།། ཀུན་རིག་སྟོན་པས་བཀའ་སྩལ་པ།། མུ་སྟེགས་ཆད་འདྲར་བསྐུར་བཏབ་ཀྱང་།། ངེས་དོན་སྙིང་པོ་མ་མཐོང་ཕྱིར།། གཏན
274a3 གས་སྒོ་སྐར་སྐོན་བཀལ་ཀྱང་།། དོན་དང་མཐུན་པར་མི་འགྱུར་རོ།། ད་ཡང་རྡོ་རྗེ་སེམས་དཔའ་ཉོན།། ཐེག་པ་འོག་མའི་ཆོས་ཀུན་བཞིན།། ཤེས་རབ་ཐབས་ལ་བརྟེན་དགོས་ན།། བྱས་པ་ཡིན་ཕྱིར་གནས་ལུགས
274a4 མིན།། སྐུ་དང་ཡེ་ཤེས་འབྱུང་མི་སྲིད།། དེ་ཕྱིར་ཐབས་ལ་རག་ལུས་མེད།། རང་བྱུང་སྙིང་པོ་ཆོས་སྐུ་ནི།། ཉི་མ་དང་ནི་འོད་བཞིན་དུ།། ཤེས་རབ་ཆོས་སྐུ་གཅིག་པུ་ལ།། སྐུ་དང་ཡེ་ཤེས་ཀུན་ཀ་རྫོགས།། ད་ཡང
274a5 འདུས་པའི་སྙིང་པོ་ཉོན།། ངེས་དོན་བཀའ་ཡིས་དྲང་དོན་ཀུན།། སུན་བཏོན་སྒྲོ་འདོགས་ཆོད་པ་ཡིན།། ངེས་དོན་བཀའ་ལ་སུན་འདོན་མེད།། དེ་ཕྱིར་དྲང་དོན་བཀའ་འདི་གོལ།། ངེས་དོན་ཡང་ཏིའི་གཞུང་གིས
274a6 ནི། དངོས་སུ་སྣང་ཡང་འབྱུང་བ་མེད།། དོན་དམ་རང་བཞིན་ངོ་བོར་གནས།། དོན་དུ་བྱ་བ་མ་དམིགས་ཀྱང་།། རང་བྱུང་ཡོན་ཏན་ཐུགས་ལ་རྫོགས།། ཆུ་ཟླའི་དཀྱིལ་འཁོར་ལྟ་བུར་སྣང་།། རང་བྱུང་ལྷུན་གྱིས་གྲུབ
iiif viewer powered by OpenSeadragon
