| e-texts navigator |
| Wylie |
273b1 པས།། རང་རིག་ཆོས་སྐུ་ངེས་དོན་བསྒྲིབས།། ད་ཡང་རྡོ་རྗེ་སེམས་དཔའ་ཉོན།། ཨ་ནུ་ཡོ་གའི་འདོད་པ་ནི།། ཕུང་པོ་ལྔ་སོགས་རྟོག་ཚོགས་ཀུན།། མ་བསྐྱེད་རྫོགས་པར་འདོད་པ་དེ།། འབྲས་བུ་ཡེ་ཤེས་ལྔ་དང
273b2 ནི།། སྐུ་ལྔ་ལྷུན་གྲུབ་འདོད་པས་བསྒྲིབས།། ཡང་དག་འདུས་པའི་སྙིང་པོ་ཉོན།། རང་བཞིན་ལྷུན་གྲུབ་སངས་རྒྱས་ནི།། དུས་གསུམ་དག་ཏུ་མི་འགྱུར་ཅིང་།། གཉེན་པོས་བཅོས་ཤིང་བསྒྱུར་དུ་མེད།། ཐབས་ནི་གང
273b3 ལའང་མི་བརྟེན་ཕྱིར།། རང་བྱུང་ཀུན་ཏུ་བཟང་པོ་བྱ།། དེ་ཡང་འཁོར་གྱི་སྙིང་པོ་ཉོན།། ཕུང་པོ་རྣམ་པ་ལྔ་ལས་ཀྱང་།། སྐུ་ལྔ་ཡེ་ཤེས་ལྔ་རུ་འདོད།། ཕུང་པོ་གཅིག་ལས་མེད་པ་ལ།། འབྲས་བུ་ཐ་དད་འབྱུང་བ
273b4 ཡིས།། གནས་འགྱུར་དུ་ནི་སངས་རྒྱས་ནས།། རིགས་ལྔའི་ཡོན་ཏན་རྫོགས་འདོད་པས།། ཤིན་ཏུ་མི་འཐད་འགལ་བའི་ཕྱིར།། མ་རིག་རྨོངས་པས་རང་ལ་བསྒྲིབས།། དེ་དོན་དགོངས་ཤིང་བསྒྲིབ་པ་ནི།། རྒྱུད་གཞན
273b5 དུ་ནི་ཞི་བ་བསྟན་ཕྱིར།། ངེས་དོན་སྐབས་སུ་ངས་མ་བཤད།། ད་ཡང་རྡོ་རྗེ་སེམས་དཔའ་ཉོན།། མིང་གི་རྣམ་གྲངས་དུ་བསྟན་ཡང་།། དོན་གྱི་ངོ་བོ་གཅིག་ཏུ་འདུས།། རྩལ་ཤུགས་ཚུལ་དུ་གཉིས་སུ་སྣང་།། དོན་ལ
273b6 དགོས་མེད་ཚིག་དང་བྲལ།། དེ་ཕྱིར་བྱིས་པའི་སྤྲིན་ཚིག་འདྲ།། ཕུང་པོ་ཁམས་དང་སྐྱེ་མཆེད་ཀུན།། སེམས་སུ་བྱས་ཤིང་བློ་ཡིས་བཅོས།། དེ་ཕྱིར་ཡང་དག་ཕུང་པོ་མིན།། དོན་དམ་ཆོས་ལ་སྨོས་ཅི་དགོས།། དེ་ཕྱིར
iiif viewer powered by OpenSeadragon
